ప్రభుత్వ విత్తనాలపై కొరవడిన ప్రచారం

1. రైతులకు అందుబాటులో లేని టీజీ సీడ్స్ 
2. మార్కెట్లో ప్రైవేట్ కంపెనీ విత్తనాలదే హవా
3. నకిలీ విత్తనాలతో ఏటా నష్టపోతున్న రైతన్న 
4. రాష్ట్ర విభజన తర్వాత నిర్లక్ష్యానికి గురైన టీజీ విత్తన సంస్థ 
5. పీఏసీఎస్, అగ్రోస్‌తో పాటు డీలర్లూ ప్రైవేట్ విత్తనాల విక్రయం

హైదరాబాద్, నవంబర్ 30 (విజయక్రాంతి) : ప్రభుత్వ నిర్లక్ష్యం ప్రైవేట్ విత్తన కం పెనీలకు కాసుల వర్షం కురిపిస్తుండగా..ఆరుగాలం కష్టించే రైతన్నలు నట్టేట మునుగుతు న్నారు.  ప్రైవేటు కంపెనీల విత్తనాలతో ప్రతి ఏటా రైతులు నష్టపోతున్నారు.. రైతులు ఆందోళన, రైతు సంఘాల ధర్నాలతో ప్రభు త్వం ఏదో చేస్తున్నట్లు హడావిడి చేయడం, కంపెనీలపై చర్యలు తీసుకుంటామని చెప్ప డం షరామాములే.

ఉమ్మడి  రాష్ట్రంలో  ఏపీ సీడ్స్ కార్పొరేషన్ ఆధ్వర్యంలో  రైతుల కు నాణ్యమైన విత్తనాలు అందేవి. కానీ, రాష్ట్ర విభజన తర్వాత ఏర్పడిన తెలంగాణ సీడ్స్ కార్పొరేషన్ పూర్తిగా నిర్లక్ష్యానికి గురైంది. సర్కార్ నుంచి విత్తన సరఫరా లేకపోవడంతో ప్రైవేట్ విత్తన కంపెనీల జోరు పెరి గింది. నకిలీ విత్తనాలు మార్కెట్లోకి రావడంతో రైతులు నష్టపోతున్నారు. 

8 కమీషన్ శాతంతో..

తెలంగాణలో 909 ప్రాథమిక వ్యవసాయ సహకార సంఘాలు, 987 ఆగ్రోస్ కేంద్రాలు, 15వేల వరకు విత్తన-ఫెర్టిలైజర్స్ డీలర్స్ ఉన్నారు. ఈ మూడింటిలో ప్రభుత్వ సీడ్స్‌ను విక్రయించేవారు. అయితే గత ప్ర భుత్వం సీడ్స్ విక్రయిస్తే 8 శాతం కమిషన్ వరకే పరిమితి విధించింది. దీంతో డీలర్స్ ప్రభుత్వ విత్తనాల అమ్మకాన్ని నిలిపివేసి అధిక కమిషన్‌కు ప్రైవేట్ నాసిరకం విత్తనాలు విక్రయిస్తున్నట్లు సమాచారం. ప్రభు త్వం ఒత్తిడి చేస్తే కొద్దిమేర మాత్రమే అప్పుడప్పుడు విక్రయించి మిగతా స్టాక్ ను తిప్పి పంపుతున్నట్లు సమాచారం. 

పూత రాదు.. కాత కాయదు

ఏటా నకిలీ విత్తనాలతో రైతులు నష్టపోతున్న ఉదంతాలు కోకొల్లలు. ఆకర్షణీయమై న ప్రకటనలతో నకిలీ విత్తనాలు అంటగడుతున్న ప్రైవేట్ వ్యాపారులు పంటలు దిగుబ డి రాని సమయంలో ముఖం చాటేస్తున్నారు. మార్కెట్‌లో నకిలీ విత్తనాలను అరికట్టా ల్సిన ప్రభుత్వం మాత్రం ఆ దిశగా చర్యలు చేపట్టడం లేదు. రైతులకు నాణ్యమైన విత్తనాలు సరఫరా చేసేందుకు కూడా చర్యలు తీసుకోవడం లేదని విమర్శలున్నాయి. 

మార్కెట్‌లో ప్రభుత్వ విత్తనాలేవీ?

సర్కార్ అందించే విత్తనాలు రైతులకు మార్కెట్‌లో అందుబాటులో లేకపోవడంతో రైతులు ప్రైవేట్ కంపెనీల విత్తనాలను ఆశ్రయించక తప్పడం లేదు. దీంతో నకిలీ విత్తనా లతో రైతులు నష్టపోతున్నారని తెలుస్తోంది. ప్రభుత్వానికి విత్తన డీలర్లపై అజమాయిషీ కొరవడడం కూడా ఒక కారణమని రైతు సంఘాల ప్రతినిధులు విమర్శిస్తున్నారు. 

డీలర్లు ప్రభుత్వం నుంచి సర్టిఫికెట్ తీసుకొని ప్రైవేటు కంపెనీలకు విత్తనాలు విక్రయిస్తున్నారని పేర్కొంటున్నారు.  అడ్డుకట్ట వేసేం దుకు ప్రభుత్వం సరైన ప్రణాళికలు రూపొందించకపోవడమే కారణమని తెలుస్తోంది  ప్రభుత్వం  అన్ని మండలాల్లో పీఏసీఎస్,  డీసీఎంఎస్,  ఇతర డీలర్లకు 8 శాతం డి స్కౌంట్ విత్తనాలు అందజేసి, 8శాతం కమిషన్‌తో  పాటు రవాణా ఖర్చులు లేకుండా గ్రామాలకు సరఫరా చేస్తే ప్రైవేట్ విత్తన కంపెనీలకు అడ్డుకట్ట వేయొచ్చు.

వీటిపై ప్రచారం కల్పిస్తే..

రైతులు ఎక్కువగా వాడే విత్తనాల్లో  కేఎన్‌ఎం-1638 రకం,  తెలంగాణ సోన(ఆర్‌ఎన్ ఆర్-15048), జేజీఎల్- 27356 ్ల, ఆర్‌ఎన్‌ఆర్- 28361, జేజీఎల్- 24423  ఇలా 10 రకాల ను ప్రభుత్వం అందుబాటులో ఉంచాలని కోరుతున్నారు. దీంతో పాటు  ఈ విత్తనాల పై ప్రభుత్వ రైతులకు అవగాహన కల్పించాల్సిన అవసరం ఉంది. టీజీ విత్తనాలు ప్రైవే టుకు దీటుగా దిగుబడి వస్తున్నప్పటికీ కేవ లం పాలకులు విత్తన విక్రయానికి డీలర్లకు సక్రమంగా కమిషన్ ఇవ్వకపోవడంతోనే అమ్మకాలు చేపట్టడం లేదని తెలుస్తోంది.. దీనిపై ప్రభుత్వం దృస్టి సారించాల్సిన అవసరముందుని రైతు సంఘాల నాయకులు సూచిస్తున్నారు.  రైతు వేదికల వద్ద, ఇతర మార్గాల ద్వారా టీజీ సీడ్స్‌పై అవగాహన కల్పించాలని కోరుతున్నారు.  

ప్రణాళికలు రూపొందిస్తున్నాం

టీజీ సీడ్స్ విత్తనాలు రైతులకు చేరే లా ప్రణాళికలు రూపొందిస్తున్నాం. సర్కార్ అందించే విత్తనాలపై  రైతులకు అవగాహన కల్పిస్తాం. ఈ యాసంగిలో 1.20 లక్షల క్వింటాళ్ల  వరి విత్తనం అమ్మేలా సీడ్స్ కార్పొరేషన్ టార్గెట్ నిర్దేశించుకుంది. వ్యవసాయ అధికారులు సైతం ప్రభుత్వ విత్తనం నాణ్యత, దిగుబడిపై రైతు వేదికల్లో  రైతులకు వివరిం చాలని నిర్ణయించాం. డీలర్లకు టార్గెట్ పెట్టి టీజీ సీడ్స్‌ను అమ్మకం చేసేలా చర్యలు చేపట్టాం. ప్రభుత్వం నుంచి లైసెన్స్ పొందిన డీలర్లు విధిగా ప్రభుత్వ విత్తనాలు విక్రయించాలి. లేకుంటే ఆ డీలర్ల లైసెన్స్ రద్దు చేస్తామని హెచ్చరికలు జారీ చేయబోతున్నాం.   

 తెలంగాణ సీడ్ కార్పొరేషన్ చైర్మన్ అన్వేష్‌రెడ్డి