- ఉపాధి కల్పన, సంక్షేమం నుుంచి సింగరేణి యూటర్న్’ కథనానికి స్పందన..

- ఆందోళనలో యాజమాన్యం...

- సింగరేణి విధానాలపై కార్మికలోకంలో అసంతృప్తి...

బెల్లంపల్లి, నవంబర్ 30 : ‘ఉన్నది  ఉన్న ట్టు అంటే ఉలుకెక్కువ అన్నట్టు...’ సింగరేణి యాజమాన్యం విధానాల్లోని డొల్లతనాన్ని బయట పెడితే.. ఉలిక్కి పడుతుంది... గత కొన్నేళ్లుగా సింగరేణిలో యాజమాన్యం అనుసరిస్తున్న విధానాలు, సంస్థ మనుగడను కకా వికలం చేస్తున్నాయి... ఫలితంగా పారిశ్రామిక అభివృద్ధిపై నీలి నీడలు కమ్ముకున్నాయి... రోజురోజుకూ సింగరేణిలో నిరుద్యోగం పెరిగిపోతుంది. అభివృద్ధి, ఉపాధికి, సింగరేణికి మధ్య ఎనలేని దూరం పెరిగిపోయింది.  యాజమాన్యం ఆలోచన విధానాల్లో పెను మార్పులు చోటు చేసుకున్నాయి.

అభివృద్ధి నిర్వచనమే మారిపోయింది. అభివృద్ధి అంటే.. సింగరేణి మను గడలో ఉపాధి, ఉద్యోగ అవకాశాలు, కార్మిక కుటుంబాలు, ప్రజల సంక్షేమ భాగంగా ఉండేవి. ప్రస్తుతం కంపెనీ అభివృద్ధి నిఘంటువు నుంచి ఉద్యోగాలు, అందుకు ప్రధాన భూమిక వహించే భూగర్భ గనులు, సంక్షేమం అనే పదాలు తొలగిపోయాయి. అభివృద్ధికి ఇప్పు డూ అర్ధాలు మారిపోయాయి. అభివృద్ధి అంటే కార్పొరేట్ ప్రయోజనాలు మాత్రమే... సింగరేణిలో చేపట్టిన ప్రపంచీకరణ, ప్రైవేటీకరణ, యాంత్రికరణ, కాంట్రాక్టీకరణ అమలు విధానమే కంపెనీ చెప్పే నూతన అభివృద్ధికి ప్రధాన అంగాలు.

కాగా ఈ నేపథ్యంలోనే సింగరేణి కంపెనీ పారిశ్రామికంగా తిరోగమన బయటపెట్టింది. పీకల లోతు నష్టాల్లో కూరుకుపోయింది. ఈ ప్రభావాన్ని కార్మికులు, సింగరేణి లోకం ప్రస్తుతం చవిచూస్తోంది. ఈ మొత్తం పరిణామాల లోగుట్టును ‘విజయక్రాంతి’ దినపత్రిక ఈ నెల 28న ‘ఉపాధి, సంక్షేమం నుంచి సింగరేణి యూటర్న్’ కథనంతో బయట పెట్టింది. ఈ కథనానికి సింగరేణిలో అన్నివర్గాల నుంచి మంచి స్పందన వెల్లువెత్తింది. సింగరేణి యాజమాన్యం మాత్రం ఈ కథనం చూసి తెగబాధ పడిపోయింది. 

సింగరేణిలో ఎంతో అభివృద్ధి చేస్తున్న తమపై ఇలా నిందలు వేస్తున్నారని వాపోయింది... ‘విజయక్రాంతి’ దినపత్రిక  ప్రతినిధి తో  సింగరేణి సంస్థ తరపున ఓ ప్రతినిధి నేరుగా వాట్సప్ కాల్ చేసి ఇలాంటి కథనాలు రాస్తే ఎలా అని వాపోయారు. సింగరేణి అభివృద్ధి కోసం మల్టీ వ్యాపార రంగంలోకి వెళు తున్నామని, పెట్రోల్ బంకులు, ఇతరత్రా వ్యాపారాలను సంక్షేమంలో భాగంగా తీసుకొస్తామన్నారు. బొగ్గు ఉత్పత్తి రంగంలో తలెత్తిన నష్టాలను ఈ రకంగా రికవరి కోసం ప్రత్యామ్నాయ మార్గం వేసుకుంటున్నామని చెప్పుకొచ్చారు. సింగరేణి సంక్షేమానికి, అభివృద్ధి కోసం అహర్నిశలు ఎంతో కష్టపడుతున్నామని ఏకరువుపెట్టారు. 

ఇవేవీ కార్మిక పిల్లల జీవితాల్లో వెలుగులు నింపలేదు... నూతన తరానికి ఆత్మగౌరవ జీవనానికి పనికి వచ్చేవి కావనే విషయాన్ని ముందే ‘విజయక్రాంతి’ తన కథనంలో నిగ్గుతేల్చింది. కార్మిక లోకం ఈ కథనంలో అన్ని నిజాలే ఉన్నాయని, ప్రస్తుత సింగరేణి ముఖ చిత్రానికి అద్దం పట్టిందని ఆద్యంతం మద్దతు పలికారు, జేజేలు కొట్టారు. కార్మికుల మనసుల్లో ఉన్నమాటనే రాశారని మెచ్చుకొని మరి కితాబు ఇచ్చారు కార్మికులు, అధికారు లు... పెద్దలు నిజం లిప్పులాంటిదని అన్నారు, కానీ సింగరేణి పెద్దలకు ఈ నిజం మింగుడు పడటం లేదు... పదేళ్ల కాలంలో సింగరేణిలో ఒక్క అండర్ గ్రౌండ్ గని తీసుకొచ్చారా...? ఎన్ని గనులు మూసివేశారు..? వాటి స్థానం లో కొత్త గనులెన్ని ఏర్పాటు  చేశారు..? ఇప్పటి వరకు ఎంత మంది కార్మికులు దిగిపోయారు..? వారి స్థానంలో కొత్తగా ఎన్ని ఉద్యో గాలు ఇచ్చారో...? నూతనంగా ఇచ్చిన ఉద్యోగాలు ఎన్ని ఇచ్చారో..? సింగరేణి యాజ మాన్యం శ్వేత పత్రం విడుదల చేయాలని పలువురు రిటైర్డ్ కార్మికులు, మేధావులు, కార్మికుల పిల్లలు కోరుతున్నారు.

ఈ ప్రశ్నలకు సింగరేణి కంపెనీ సరైనా జవాబు ఇవ్వగలదా..? ఒకవేళ ఇస్తేగిస్తే.. యాజమాన్యం సమాదానాల్లో శాస్త్రీయత అంతగా ఉండదనీ పలువురు మేధావు లు భావిస్తున్నారు. ఏదేమైనా తెలంగాణకు జీవనాధారమైన, సిరుల మాగాని సింగరేణి తల్లి కష్టాల్లోంచి ఎలా గట్టెక్కుతుందో.. అనే ఆందోళన  మాత్రం  సింగరేణి వాసుల్లోనూ కనిపిస్తుంది.