- మంచిర్యాల డీసీపీ ఏ. భాస్కర్

బెల్లంపల్లి అర్బన్ (విజయక్రాంతి): రాబోయే గ్రామపంచాయతీ ఎన్నికలను ప్రశాంతంగా నిర్వహించడం పోలీసుల బాధ్యతని మంచిర్యాల డీసీసీ ఏ భాస్కర్ అన్నారు. బెల్లంపల్లి పద్మశాలి ఫంక్షన్ హల్ లో శనివారం బెల్లంపల్లి ఏసీపీ ఎ. రవికుమార్ ఆధ్వర్యంలో బెల్లంపల్లి సబ్ డివిజన్ పోలీస్ అధికారులకు, సిబ్బందికి ఎన్నికల విధులు, ప్రవర్తన నియమావళి పై నిర్వహించిన అవగాహన కార్యక్రమంలో నిర్వహించగా మంచిర్యాల డీసీపీ ముఖ్య అతిథిగా హాజరై మాట్లాడారు. రాబోయే గ్రామపంచాయతీ ఎన్నికలు శాంతియుతంగా, నిష్పాక్షపాతంగా, చట్టబద్ధంగా జరగేందుకు కృషి చేయాలి అన్నారు. ఎన్నికల నిర్వహణలో పోలీస్ అధికారులు, సిబ్బంది అత్యంత బాధ్యతగా వ్యవహరించాలన్నారు.

ఎన్నికల కాలంలో ఎన్నికల నియమ నిబంధనలను కచ్చితంగా పాటించడం, ప్రతి పోలింగ్ స్టేషన్ వద్ద తగిన భద్రతా బందోబస్తు ఏర్పాటు ఏర్పాటు చేయాలని సూచించారు. సున్నిత, అత్యంత సున్నిత ప్రాంతాలను ముందుగానే గుర్తించి నిఘా పెంచాలన్నారు. అనుమానాస్పద వ్యక్తులు, వాహనాలు, వస్తువులపై 24/7 జాగ్రత్త వహించాలన్నారు. ఓటర్లకు ఎలాంటి ఇబ్బంది లేకుండా పోలింగ్ కేంద్రాలకు రాకపోకలు ఏర్పాటు చేయాలన్నారు. మహిళా, వృద్ధుల, దివ్యాంగుల భద్రతపై ప్రత్యేక దృష్టి సాధించాలని వెల్లడించారు. ఓటర్లును ప్రలోబాలకు గురిచేసే మద్యం, డబ్బు పంపిణీ, బహుమతుల పంపిణీనీ అరికట్టాలన్నారు. బెదిరింపులు, దాడులు, వంటి చట్ట వ్యతిరేక చర్యలను కంట్రోల్ చేయాలన్నారు. 

పోలింగ్ కేంద్రాల వద్ద ఇబ్బందులు కల్పించడం, విధులకు హాజరుకాకపోవడం, ఆలస్యంగా రావడం సరికాదన్నారు. చట్టాన్ని అమలు చేసే సంస్థగా పోలీసులు పూర్తిగా నిష్పాక్షికంగా పనిచేయలన్నారు. అభ్యర్థుల ర్యాలీలు, ప్రచారాలు, మైకింగ్, ఫ్లెక్సీలు, సభలు, అన్ని కార్యక్రమాలు చట్ట పరిధిలో ఉండాలన్నారు. ప్రజా మార్గాల్లో ర్యాలీలకు ట్రాఫిక్ నియంత్రణ సమయంలో ప్రత్యర్థులకు కూడా సమాన అవకాశాలు కల్పించాలనీ తెలిపారు. ఆయుధాలు, లైసెన్స్ ఉన్న గన్‌ల కస్టడీకి సంబంధించి నిర్ణీత మార్గదర్శకాలను కఠినంగా పాటించాలన్నారు. ఈ కార్యక్రమంలో బెల్లంపల్లి ఏసిపి ఎ. రవికుమార్, బెల్లంపల్లి రూరల్ సిఐ సిహెచ్ హనోక్, తాండూరు సిఐ దేవయ్య, మందమర్రి సిఐ శశిధర్ రెడ్డి, బెల్లంపల్లి సబ్ డివిజన్ పరిధిలోని ఎస్ఐ లు, సిబ్బంది పాల్గొన్నారు.