మైనార్టీ వెల్ఫేర్ రెసిడెన్షియల్ స్కూల్స్ వైస్ చైర్మన్ ఫహీముద్దీన్ 

హైదరాబాద్ సిటీబ్యూరో, నవంబర్ 4 (విజయక్రాంతి): తెలంగాణ ప్రత్యేక రాష్ట్ర ఉద్యమంలో అత్యంత క్రీయాశీలకంగా పనిచేసిన ఉద్యోగులు రాష్ట్ర అభివృద్ధిలోనూ కీలకంగా పనిచేశారని రాష్ట్ర మైనార్టీ వెల్ఫేర్ రెసిడెన్షియల్ స్కూల్స్ వైస్ చైర్మన్ ఎండీ ఫహీముద్దీన్ అన్నారు.

టీఎన్‌జీవో అధ్యక్షుడు మారం జగదీశ్వర్, ప్రధాన కార్యదర్శి ఎస్‌ఎం హుస్సేనీ, అసోసియేషన్ అధ్యక్షులు కస్తూరి వెంకటేశ్వర్లు, ముత్యాల సత్యనారాయణ గౌడ్, నాల్గవ తరగతి ఉద్యోగుల సంఘం అధ్యక్షులు గడ్డం జ్ఞానేశ్వర్, టీఎన్జీవో రాష్ట్ర నాయకులు చందు, రాజ్యసభ సభ్యులు అనిల్ కుమార్ యాదవ్‌తో కలిసి సోమవారం వైస్ చైర్మన్ ఫహీముద్దీన్‌ను కలిసారు.

ఈ సందర్భంగా ఆయనకు పుష్పగుచ్ఛం అందజేసి శుభాకాంక్షలు తెలిపారు. సీఎం రేవంత్ రెడ్డి నాయకత్వంలో ఉద్యోగుల సమస్యల పరిష్కారానికి చొరవ చూపాలని ఆయన్ని కోరారు.