థ్రిల్లింగ్ బ్రేకింగ్ న్యూస్

మురళీమోహన్, హీరోయిన్ అనన్య నాగళ్ల, వాసుదేవ్ ప్రధాన పాత్రల్లో నటిస్తున్న థ్రిల్లర్ మూవీ ‘ది బ్రేకింగ్ న్యూస్’. ఈ చిత్రానికి పవన్ కడియాల రచనాదర్శకత్వం వహిస్తున్నారు. ఓపెన్ స్కై క్రియేషన్స్ బ్యానర్‌పై హనుమంత్ రెడ్డి, ఉమ గుటూర్ నిర్మిస్తున్నారు. ఈ మూవీ ఫస్ట్ లుక్ పోస్టర్‌ను మెగాస్టార్ చిరంజీవి విడుదల చేశారు.

మీడియా నేపథ్యంతో కూడిన థ్రిల్లర్‌గా రూపొందిస్తున్న ఈ సినిమాను మే నెలలో థియేటర్ల ద్వారా విడుదల చేసేందుకు మేకర్స్ సన్నాహాలు చేస్తున్నారు. ఈ సినిమాకు సంబంధించిన మరిన్ని వివరాలను త్వరలోనే ప్రకటించనున్నట్లు నిర్మాతలు తెలిపారు. ఈ చిత్రానికి సంగీతం: శశి ప్రీతమ్; సినిమాటోగ్రఫీ: సాయినాథ్; ఎడిటర్: శిరీష్ ప్రసాద్.