డెలివరీ ఏజెంట్‌పై దాడి: యూకో బ్యాంక్ మేనేజర్ అరెస్ట్

మీరట్: ఉత్తరప్రదేశ్‌లోని మీరట్‌లో 19 ఏళ్ల బ్లింకిట్ డెలివరీ ఏజెంట్(Blinkit Delivery Agent) కొన్ని నిమిషాలు ఆలస్యంగా రావడంతో అతనిపై దాడి చేసినట్లు ఆరోపణలు ఎదుర్కొంటున్న 34 ఏళ్ల వినియోగదారుడిని మీరట్ పోలీసులు అరెస్టు చేశారు. ఈ దాడికి సంబంధించిన వీడియో సోషల్ మీడియాలో విస్తృతంగా ప్రచారమై స్థానిక అధికారుల దృష్టికి రావడంతో ఈ ఘటన వెలుగులోకి వచ్చింది. అనంతరం మీరట్ పోలీసులు ఈ కేసులో నిందితుడైన యమన్‌ను అరెస్టు చేశారు.

ఇతను ఒక ప్రైవేట్ బ్యాంకులో మేనేజర్‌గా పనిచేస్తున్న 28 ఏళ్ల వ్యక్తి. యమన్‌ను కోర్టులో హాజరుపరచగా, కోర్టు అతనికి బెయిల్ మంజూరు చేసిందని మీరట్ సర్కిల్ ఆఫీసర్ కుల్‌దీప్ సింగ్ తెలిపారు. ఈ సంఘటన ఆగస్టు 14న మీరట్‌లోని భవనువాన్ పోలీస్ స్టేషన్ పరిధిలో ఉన్న గంగా హైట్స్ అపార్ట్‌మెంట్స్‌లో జరిగింది. డెలివరీ ఏజెంట్ అయిన అమిత్ యాదవ్, చదువుకుంటూనే సాయంత్రం వేళల్లో పార్ట్-టైమ్ డెలివరీ ఏజెంట్‌గా పనిచేస్తున్నాడు. దాడి అనంతరం, ఈ విషయం ఎవరికైనా చెబితే లైంగిక వేధింపుల కేసులో ఇరికిస్తామని బెదిరించినట్లు బాధితుడు ఆరోపించాడు.