టెస్ట్ సిరీస్‌లో ఊహించని పరాభవం..అన్ని వైపుల నుంచీ తీవ్ర విమర్శలు..గాయాలతో పలువురు ఆటగాళ్లు దూరం.. వెరసి వన్డే సిరీస్‌లో తొలి సమరానికి భారత్ సై అంటోంది. రోహిత్, కోహ్లీ ఎంట్రీ బలాన్ని పెంచినా, వన్డే ఫార్మాట్‌లో తాత్కాలిక కెప్టెన్ రాహుల్ ఎలా నడిపిస్తాడన్నది చూడాలి. సఫారీలను తక్కువ అంచనా వేసి మూల్యం చెల్లించుకున్న టీమిండియా వన్డే సిరీస్‌లో దెబ్బకు దెబ్బ కొట్టాలని భావిస్తోంది. కోచ్‌గా గంభీర్‌కు, దిగ్గజాలు రోహిత్, కోహ్లీలకు కూడా ఈ సిరీస్ కీలకమే.

1. నేడు భారత్, సౌతాఫ్రికా తొలి వన్డే
2. రాంఛీ వేదికగా మ్యాచ్
3. తుది జట్టులో కీపర్‌గా పంత్
4. సిరీస్‌లో శుభారంభమే టార్గెట్

రాంచి, నవంబర్ 29 : టెస్ట్ సిరీస్‌లో వైట్‌వాష్ పరాభవం నుంచి కోలుకుంటున్న టీమిండియా ఇప్పుడు వైట్‌బాల్ సమరానికి రెడీ అయింది. మూడు వన్డేల సిరీస్‌లో భా గంగా తొలి మ్యాచ్ ఆదివారం రాంఛీ వేదికగా జరగబోతోంది. సొంతగడ్డపై టెస్ట్ సిరీస్ ను 0 కోల్పోయి తీవ్ర విమర్శలు ఎదుర్కొన్న భారత జట్టు వన్డే సిరీస్‌ను ఘ నంగా ఆరంభించాలని పట్టుదలగా ఉంది.

గిల్ అందుబాటులో లేకపోవడంతో తాత్కాలిక కెప్టెన్‌గా బాధ్యతలు అందుకున్న కేఎల్ రాహుల్‌కు ఈ సిరీస్ సవాల్‌గానే చెప్పాలి. ఎందుకంటే కీలక ఆటగాళ్లు కొందరు అందుబాటులో లేకపోవడం ఇబ్బందికరంగా మా రింది. హార్థిక్ పాండ్యా, శ్రేయాస్ అయ్యర్ గాయాలతో దూరమవగా.. బుమ్రాకు రెస్ట్ ఇచ్చారు. దీంతో యువ ఆటగాళ్ల ప్రదర్శనే ఈ సిరీస్‌లో కీలకం కాబోతోంది.

ఆస్ట్రేలియా టూర్‌లో రాణించిన రోహిత్‌శర్మ, కోహ్లీ జ ట్టుతో చేరగా.. గిల్ లేకపోవడంతో జైశ్వాల్‌కు ఓపెనర్‌గా ఛాన్స్ దక్కింది. మూడో స్థానం లో కోహ్లీ ఆడనుండగా.. నాలుగో స్థానంలో ఎవరు దిగుతారనే దానిపై ఉత్కంఠ నెలకొంది. ఈ ప్లేస్ కోసం రుతురాజ్ గైక్వాడ్, రిషబ్ పంత్ ఇద్దరు పోటీలో ఉన్నారు. తుది జట్టులో పంత్ ఉంటాడని రాహుల్ ఇప్పటికే హింట్ ఇచ్చినా మ్యాచ్ రోజే నిర్ణయం తీసుకుంటామని కూడా చెప్పాడు.

దీంతో వీరిద్దరి లో ఎవరు తుది జట్టులోకి వచ్చినా నాలుగో ప్లేస్‌లో ఆడడం ఖాయం. ఇదిలా ఉంటే ఐదో స్థానంలో రాహుల్ ఆడతాడని అనుకున్నప్పటకీ.. వాషింగ్టన్ సుందర్‌ను ఆ ప్లేస్‌లో దింపుతారని తెలుస్తోంది. తాను ఆరో స్థానం లో బ్యాటింగ్ చేస్తానంటూ రాహుల్ చెప్పడమే దీనికి కారణం. ఒకవేళ పేస్ ఆల్‌రౌం డర్ నితీశ్‌రెడ్డిని కూడా ఐదో ప్లేస్‌లో ఆడించే అవకాశాలను కొట్టిపారేయలేం.

ఇక స్పిన్ ఆల్‌రౌండర్లుగా వాషింగ్టన్ సుందర్, రవీం ద్ర జడేజా, స్పెషలిస్ట్ స్పిన్నర్‌గా కుల్దీప్ యా దవ్ ఉంటారు. పేస్ విభాగంలో బుమ్రాకు రెస్ట్ ఇవ్వడంచో అర్షదీప్‌సింగ్, హర్షిత్ రా ణాలపైనే భారం పడనుంది. వన్డే ప్రపంచకప్‌కు కోర్ టీమ్‌ను రెడీ చేస్తున్న వేళ ఈ సిరీ స్ యువ ఆటగాళ్లందరికీ మంచి అవకాశంగా చెప్పొచ్చు. అటు వన్డేల్లో పెద్దగా ఆకట్టుకోని పంత్‌కు సైతం ఈ సిరీస్ గోల్డెన్ ఛా న్స్‌గా చెబుతున్నారు.

మరోవైపు టెస్ట్ సిరీస్ లో అదరగొట్టిన సౌతాఫ్రికా ఫుల్ జోష్‌తో బరిలోకి దిగుతోంది. ఇండియా కండీషన్స్‌కు పూర్తిగా అలవాటు పడిన సఫారీ క్రికెటర్లు ఇప్పుడు వన్డే సిరీస్‌లోనూ సత్తా చాటాలని ఎదురుచూస్తున్నారు. కీపర్ క్వింటన్ డికాక్ జట్టులోకి రావడం, బ్రెవిస్ లాంటి హిట్టర్ కూడా ఎంట్రీ ఇవ్వడంతో సఫారీ జట్టు కూడా బలంగానే ఉంది. 

గత రికార్డులు

వన్డేల్లో భారత్‌పై సౌతాఫ్రికాదే పైచేయిగా ఉంది. గత రికార్డులను చూస్తే ఇప్పటి వర కూ ఇరు జట్లు 94 మ్యాచ్‌లలో తలపడితే సౌతాఫ్రికా 51 విజయాలు సాధించింది. భారత్ 40 వన్డేల్లో గెలిస్తే , 3 మ్యాచ్‌లలో ఫలితం తేలలేదు.

పిచ్ రిపోర్ట్ : 

రాంచీ పిచ్‌పై పేసర్ల కంటే స్పిన్నర్లకే అడ్వాంటేజ్ ఉంటుంది. బ్లాక్‌సాయిల్ పిచ్ కావడంతో స్లో బౌలర్లు కీలకం కాబోతున్నారు. దీంతో ఇరు జట్లు స్పిన్ బలంతోనే బరిలోకి దిగే అవకాశముంది. ఇక్కడ జరిగిన 9 వన్డేల్లో ఐదు సార్లు ఛేజింగ్ జట్లే గెలవగా.. మూడుసార్లు మొదట బ్యాటింగ్ చేసిన జట్లు గెలిచాయి. రాంచి పిచ్‌పై యావరేజ్ ఫస్ట్ ఇన్నింగ్స్ స్కోర్ 235 రన్స్‌గా ఉంటే.. సెకండ్ ఇన్నింగ్స్ స్కోరు 189 పరుగులుగా ఉంది.

భారత తుది జట్టు (అంచనా):  రోహిత్ శర్మ, జైశ్వాల్, కోహ్లీ, పంత్ (కీపర్), వాషింగ్టన్ సుందర్, రాహు ల్, జడేజా, నితీశ్ కుమార్‌రెడ్డి, హర్షిత్ రాణా, అర్షదీప్‌సింగ్, కుల్దీప్ యాదవ్

సౌతాఫ్రికా తుది జట్టు (అంచనా):  మార్క్మ్,్ర డికాక్(కీపర్), బవుమా

(కెప్టెన్). బ్రీట్కే, బ్రెవిస్, హెర్మాన్, యెన్సన్, బోస్చ్, కేశవ్ మహరాజ్, బర్గర్, ఎంగిడి