1. వచ్చే సీజన్‌లో ఆడనని ప్రకటన
   

పీఎస్‌ఎల్‌లో ఆడాలని నిర్ణయం

ముంబై, నవంబర్ 29 : సౌతాఫ్రికా క్రికెటర్ డుప్లెసిస్ సంచలన నిర్ణయం తీసుకు న్నాడు. వచ్చే ఐపీఎల్ సీజన్ నుంచి తప్పుకుంటున్నట్టు ప్రకటించాడు. దీని కోసం ఐపీఎల్ మినీవేలంలో తన పేరు రిజిస్టర్ చేసుకోవడం లేదు. ఢిల్లీ క్యాపిటల్స్ డుప్లెసిస్‌ను వేలానికి రిలీజ్ చేసిన తర్వాత అతను ఈ నిర్ణయం తీసుకున్నట్టు తెలుస్తోంది. అయితే  ఈ సఫారీ క్రికెటర్ పాకిస్తాన్ సూప ర్ లీగ్ ఆడాలని నిర్ణయించుకున్నాడు.

పీఎస్‌ఎల్ కూడా ఐపీఎల్ జరిగే సమయంలోనే ఉండడంతో డుప్లెసిస్ పాక్ లీగ్ వైపే మొగ్గుచూపడం ఆశ్చర్యపరిచింది. తాను ఐపీఎల్ 2026 నుంచి తప్పుకుంటున్నట్టు సోషల్ మీడియా ద్వారా అతను వెల్లడించాడు. ఈ సందర్భంగా లీగ్‌లో తనకు మద్ధతుగా నిలిచిన బీసీసీఐ, ఫ్రాంచైజీలు, సహచరులు, అభిమానులకు ప్రత్యేకంగా కృతజ్ఞతలు చెబు తూ పోస్ట్ పెట్టాడు. తన క్రికెట్ కెరీర్‌లో ఐపీఎల్‌తో సాగిన 14 ఏళ్ల ప్రయాణం అద్భుతమన్నాడు. అయితే తాను ఐపీఎల్ నుంచి రిటైర్ కావడం లేదని మళ్లీ తిరిగి వస్తానం టూ ట్వీట్ చేశాడు.

ఈ సఫారీ క్రికెటర్ ఐపీఎల్‌లో చెన్నై సూపర్ కింగ్స్, రైజింగ్ పూణే సూపర్‌జెయింట్స్, ఆర్సీబీ, ఢిల్లీ క్యాపిటల్స్ జట్లకు ప్రాతినిథ్యం వహించాడు. ఇప్పటి వరకూ 154 మ్యాచ్‌లలో 4773 పరుగులు చేయగా.. దీనిలో 39 హాఫ్ సెంచరీలున్నాయి. గత సీజన్‌లో 9 మ్యాచ్‌లు ఆడిన డుప్లెసిస్ 202 పరుగులే చేయడంతో ఢిల్లీ అతన్ని వేలంలోకి వదిలేసింది.