జిల్లాలో 1.43 లక్షల ఎకరాల్లో సాగు విస్తీర్ణం అంచనా

42,753 మెట్రిక్ టన్నుల ఎరువులు అవసరం

మంచిర్యాల, నవంబర్ 30 (విజయక్రాం తి) : 2025-2026 యాసంగి సీజన్ సాగు యాక్షన్ ప్లాన్ ను జిల్లా వ్యవసాయ శాఖ అధికారులు సిద్ధం చేశారు. జిల్లాలో ఈ ఏడాది 1.43 లక్షల ఎకరాల్లో వివిధ పంటలు సాగు కానున్నాయని అధికారులు అంచనా వేసి, సాగుకు అనుగుణంగా ఎరువులు, విత్తనాలు ముందస్తుగా జిల్లాకు తీసుకువచ్చేందుకు ప్రణాళికలు రూపొందించారు. జిల్లాకు కావాల్సిన ఎరువులను విడతల వారిగా తీసుకువ చ్చేందుకు వ్యవసాయ శాఖ నిమగ్నమైంది.

జిల్లాలో మేజర్ ప్రాజెక్ట్ (కడెం) కింద 25,081 హెక్టార్ల(62,702.5 ఎకరాల) లో, మీడియం ప్రాజెకట్స్ అయిన ర్యాలీవాగు, నీల్వాయి వా గు, గొల్లవాగు కింద 2,833 హెక్టార్ల (7082.5 ఎకరాల) లో, మైనర్ ఇరిగేషన్ ప్రాజెక్టు (897 చెరువు)ల కింద 33,202 హెక్టార్ల (83,005 ఎకరాల) లో సాగుకు అవకాశం ఉంది. అలాగే గూడెం లిఫ్ట్ ఇరిగేషన్ కింద 25,081 హెక్టార్ల (62,702.5 ఎకరాల) లో సాగు చేయవచ్చు. ఈ లిస్ట్ నీటిని యాసంగిలో మాత్రమే ఉపయోగిస్తుంటారు. కొంతమంది రబీలో కూరగా యలు సాగు చేసేందుకు సిద్ధమవుతున్నారు.

జిల్లాలో 85 శాతం నల్లరేగడి, 30 శాతం ఎర్రరేగడి, ఐదు శాతం ఇసుక నేలలు ఉన్నా యి. గత ఏడాది యాసంగి సీజన్ లో 1,41, 267.1 ఎకరాల్లో వివిధ పంటలు సాగవగా ఈ ఏడాది 1,43,622.3 ఎకరాల్లో వివిధ పంటలు సాగవుతాయని వ్యవసాయ, దాదాపు 20 వేల ఎకరాల్లో ఉద్యానవన శాఖ పంటలు సాగు కానున్నట్లు అంఛనా వేశారు.

ఇందులో అధికంగా వరి పంట 1,23,292.4 ఎకరాల్లో సాగు కానుందని, వేరుశనగా 275 ఎకరాలు, మొక్కజొన్న 4705.34 ఎకరాలు, జొన్నలు 409 ఎకరాల్లో, పెసర 585.28 ఎకరాల్లో, మినుములు 108.2 ఎకరాల్లో, శనగలు 174.5 ఎకరాల్లో, నువ్వులు 180 ఎకరాల్లో, ఇతర పంటలు 12,847.3 ఎకరాల్లో సాగయ్యే అవకాశం ఉందని అధికారులు వెల్లడిస్తున్నారు.

సాగుకు అనుకూలంగా విత్తనాలు... 

యాసంగి సాగును దృష్టిలో ఉంచుకొని ముందస్తుగా వ్యవసాయ శాఖ అధికారులు వరి, ఇతర విత్తనాలను సిద్ధం చేసింది. అందుకు అనుగుణంగా 32,364.6 క్వింటాళ్ల వరి ధాన్యం విత్తనాలు అవసరముంటుందని అధికారులు అంఛనా వేసి అందుబాటులో ఉంచారు. వీటితో పాటు పత్తి విత్తనాలు 1361 క్వింటాళ్లు, మొక్కజొన్న 377.72 క్వింటాళ్లు, జొన్నలు 17.77 క్వింటాళ్లు, పెసర 37.25 క్వింటాళ్లు, మినుములు 4.73 క్వింటాళ్లు, శనిగలు 36.15 క్వింటాళ్లు, నువ్వులు 3.68 క్వింటాళ్లు, ఇతర విత్తనాలు 18 క్వింటాళ్లు అవసరముంటుందని అంఛనా వేసి ముందుగానే జిల్లాకు తెప్పించారు. 

42,753 మెట్రిక్ టన్నుల ఎరువులు...

యాసంగి సీజన్ సాగుకు అనుకూలంగా 42,753.875 మెట్రిక్ టన్నుల ఎరువులు అవసరముంటుందని వ్యవసాయ శాఖ అధికారులు ప్రతిపాదనలు రూపొందించారు. యూరియా 17,096.53 మెట్రిక్ టన్నులు, డీఏపీ 6,187.1 మెట్రిక్ టన్నులు, ఎంఓపీ (మ్యూరేట్ ఆఫ్ పొటాష్) 5,126.34 మెట్రిక్ టన్నులు, కాంప్లెక్స్ ఎరువులు 12,616.905 వేల మెట్రిక్ టన్నులు, సింగిల్ సూపర్ పాస్పేట్ (ఎస్‌ఎస్పీ) 1,727 మెట్రిక్ టన్నులు అవసరముంటుందని ఇది వరకే ప్రభుత్వానికి నివేధిక అందజేశారు.

జిల్లాలో ఇప్పటికే 5,260.54 (సొసైటీల్లో 694.07, డీలర్ల వద్ద 2039.54, మార్క్ ఫెడ్ బఫర్ లో 2526.93, సీ ఆర్ పీలో 535.59) మెట్రిక్ టన్నుల యూరియా, 3,074.78 మెట్రిక్ టన్నుల డీఏపీ, 2,572.13 మెట్రిక్ టన్నుల కాంప్లెక్స్, 369.91 మెట్రిక్ టన్నుల ఎంఓపీ, 535.80 మెట్రిక్ టన్నుల ఎస్ ఎస్ పీ ఎరువులు అందుబాటులో ఉన్నాయి.

మిగితావి వ్యవసాయ అవసరాన్ని ఆధారంగా విడతల వారిగా ఈ ఎరువులను జిల్లాలోని రైతులకు అందుబాటులో ఉంచేందుకు ప్రణాళిక రూపొందించారు. రైతులకు అందుబాటులో ఉంచాలనే లక్ష్యంతో సాగు విస్తీర్ణానికి అనుగుణంగా ఎరువులు, విత్తనాల స్టాక్ ను ఆయా ప్రాంతాలకు తరలించినట్లు అధికారులు చెబుతున్నారు.

సీజన్ ప్రారంభానికి ముందే అందుబాటులోకి... 

వానా కాలం సీజన్ ముగిసి రబీ సీజన్ ఆరంభానికి ముందే రైతులకు ఎలాంటి ఇబ్బందు లు తలెత్తకుండా విత్తనాలను, ఎరువులను అందుబాటులో ఉంచేందుకు పక్కా ప్రణాళికతో ముందుకు సాగుతున్నం. రైతులకు ఎలాంటి సమస్యలు రావద్దనే ఉద్దేశంతో కలెక్టర్ కుమార్ దీప క్ ఆదేశాల మేరకు క్లస్టర్ వారిగా విత్తనాలు, ఎరువులను అందించేందుకు ప్ర యత్నిస్తున్నం.

జిల్లాలోని 52 క్లస్టర్ల ద్వారా క్షేత్రస్థాయి, మండల స్థాయి అధికారుల పర్యవేక్షణలో రైతులకు ఎలాంటి ఇబ్బందు లు తలెత్తకుండా చూస్తాం. సాగు విస్తీర్ణం పెరుగుతుందనే అంఛనాతోనే గతంలో కం టే ఎరువులు, విత్తనాలను ఎక్కువగా తెప్పిస్తున్నం. ఏ ఒక్క రైతు ఎరువులకు, విత్తనాలకు ఇబ్బందులు పడకుండా ఉండాలనే పీఏసీఎస్, డీసీఎంఎస్, ఆగ్రోస్ రైతు సేవా కేంద్రాల తోపాటు ప్రైవేటు ఫర్టిలైజర్ దుకాణాలలో అందుబాటులో ఉంచాం. రైతులు ఎమ్మార్పీ ధరకు మించి ఇవ్వరాదు. విత్తనాలు, ఎరువులు, పురుగు మందులు కొ నుగోలు చేసినప్పుడు రశీదు పొందాలి.

 సురేఖ, జిల్లా 

వ్యవసాయాధికారిణి, 

మంచిర్యాల