అక్రమ మైనింగ్ పై విచారణ జరపాలి
- దళిత మహిళా సర్పంచ్పై వివక్ష దారుణం
- ఆర్ఎస్ ప్రవీణ్కుమార్
కల్వకుర్తి సెప్టెంబర్ 26: రాష్ట్రంలో అవినీతి, అక్రమాలు, అరాచక పాలన(Corruption, irregularities, anarchic rule.) కొనసాగుతోందని, బీఆర్ఎస్ రాష్ట్ర నాయకుడు ఆర్ఎస్ ప్రవీణ్కుమార్(BRS State leader RS Praveen Kumar) విమర్శించారు. శనివారం నాగర్కర్నూల్ జిల్లా(Nagarkurnool District) వంగూరు మండలం జాజాల గ్రామంలో ఆయన పర్యటించారు. గ్రామ సర్పంచ్ జీలకర కాశమ్మ పట్ల ప్రభుత్వం వివక్ష చూపడం దారుణమని ఆయన అన్నారు. దళిత మహిళా ప్రజాప్రతినిధిపై వివక్ష చూపడం ప్రభుత్వ పాలన తీరుకు నిదర్శనమని విమర్శించారు.
ముఖ్యమంత్రి సొంత గ్రామ సమీపంలో అక్రమ మైనింగ్ జరుగుతోందని, దానిపై సర్పంచ్ పోరాటం చేస్తుండటంతో గ్రామానికి నిధులు ఇవ్వకుండా, అభివృద్ధి పనులకు అధికారులు అడ్డంకులు సృష్టిస్తున్నారని ఆరోపించారు. దీనిపై పూర్తి విచారణ జరిపి చర్యలు తీసుకోవాలని డిమాండ్ చేశారు.
ముఖ్యమంత్రి సొంత గ్రామమైన కొండారెడ్డిపల్లిలో(Kondareddipalli) రైతులకు 24 గంటల విద్యుత్ సరఫరా అవుతుండగా, పక్కనే ఉన్న పోల్కంపల్లిలో రైతులకు తొమ్మిది గంటలు కూడా విద్యుత్ అందడం లేదని పేర్కొన్నారు. రైతులందరికీ సమానంగా విద్యుత్ సరఫరా చేయాల్సిన బాధ్యత ప్రభుత్వంపై ఉందని, ఈ వ్యత్యాసం ఎందుకని ప్రశ్నించారు.
అక్రమ మైనింగ్ను ముఖ్యమంత్రి కుటుంబ సభ్యులు, అనుచరులే కొనసాగిస్తున్నారని ఆర్ఎస్ ప్రవీణ్కుమార్ ఆరోపించారు. అక్రమ ఇసుక రవాణాపై తాము పరిశీలనకు వస్తున్నామని సమాచారం అందగానే యంత్రాలతో అక్కడి నుంచి ఎందుకు వెళ్లిపోయారని ప్రశ్నించారు.
కాంగ్రెస్ ప్రభుత్వ పాలనపై ప్రజల్లో అసంతృప్తి పెరుగుతోందని, రానున్న రోజుల్లో ప్రజలే తగిన గుణపాఠం చెబుతారని ఆయన అన్నారు. అనంతరం కొండారెడ్డిపల్లి, పోల్కంపల్లి విద్యుత్ సబ్స్టేషన్లను ఆయన పరిశీలించారు.
ఈ పర్యటనలో రాష్ట్ర ఫుడ్ కార్పొరేషన్ చైర్మన్ గోలి శ్రీనివాసరెడ్డి, కల్వకుర్తి మాజీ మున్సిపల్ చైర్మన్ ఎడ్మ సత్యం తో పాటు బీఆర్ఎస్ నాయకులు పాల్గొన్నారు.
