సముద్రమే మృత్యుపాశం

సెనెగల్: యూరప్‌లో మెరుగైన జీవితం వెతుక్కుంటూ బయలుదేరిన వలసదారులకు సముద్రమే మృత్యుపాశంగా మారింది. పశ్చిమ ఆఫ్రికా దేశమైన సెనెగల్ తీరంలో(Senegal Migrant Boat Capsize) వలసదారులతో వెళ్తున్న పడవ బోల్తా పడి మునిగిపోయింది. ఈ ఘోర ప్రమాదంలో కనీసం 21 మంది ప్రాణాలు కోల్పోయారు. ఈ ఘటనను సెనెగల్ అంతర్గత వ్యవహారాల మంత్రిత్వ శాఖ ఆదివారం అధికారికంగా వెల్లడించింది.

ప్రమాదం గురించి సమాచారం అందుకున్న వెంటనే అధికారులు రంగంలోకి దిగి Search and Rescue Operations ప్రారంభించారు. శనివారం సాయంత్రం నాటికి ఒకరిని సురక్షితంగా రక్షించారు. అయితే పడవలో అసలు ఎంతమంది ఉన్నారనే దానిపై స్పష్టత లేకపోవడంతో గల్లంతైన వారి కోసం గాలింపు కొనసాగుతోంది. మృతుల సంఖ్య మరింత పెరిగే ప్రమాదం ఉందని అధికారులు ఆందోళన వ్యక్తం చేస్తున్నారు.

ఈ ఘటనపై సెనెగల్ ప్రభుత్వం(Government of Senegal) సోషల్ మీడియా వేదిక Xలో ప్రకటన విడుదల చేసింది. బాధితులను రక్షించడంతో పాటు మృతుల కుటుంబాలకు అవసరమైన సహాయం అందించేందుకు ప్రభుత్వ విభాగాలను అప్రమత్తం చేసినట్లు తెలిపింది. పొరుగు దేశాలతో సమన్వయం చేసుకుంటూ Human Trafficking Networksపై కఠిన చర్యలు తీసుకుంటామని స్పష్టం చేసింది. అక్రమ వలసల కోసం ప్రమాదకరమైన సముద్ర మార్గాలను ఎంచుకోవద్దని ప్రజలకు హెచ్చరిక జారీ చేసింది. బాధిత కుటుంబాలను పరామర్శించేందుకు అంతర్గత వ్యవహారాల మంత్రి సోమవారం ప్రమాద ప్రాంతాన్ని సందర్శించనున్నారు.

ఇదిలా ఉంటే.. ఆఫ్రికా నుంచి యూరప్‌కు మెరుగైన జీవితం కోసం బయలుదేరుతున్న వలసదారుల ప్రాణాలు సముద్ర ప్రయాణాల్లో గాల్లో కలుస్తున్నాయి. ఇటీవల జిబౌటి తీరంలో యెమెన్ వైపు వెళ్తున్న పడవ బోల్తా పడి 15 మంది చిన్నారులతో సహా కనీసం 109 మంది మరణించారు. ఆ ఘటనలో 80 మందికి పైగా ప్రాణాలతో బయటపడ్డారు. ఆ విషాదం మరువకముందే సెనెగల్ తీరంలో మరో పడవ ప్రమాదం చోటుచేసుకోవడం అంతర్జాతీయంగా ఆందోళన కలిగిస్తోంది.