నిరసనలకు పోలీసుల నో పర్మిషన్
- జంతర్మంతర్ అక్టోబర్ 2న సీజేపీ, ఇండి కూటమి పిలుపు
- ముంబై శివాజీ పార్కు సమావేశానికి నిరాకరణ
- ఎస్ఐఆర్, ఈసీ పనితీరుపై 30న కాంగ్రెస్ కూటమి మీటింగ్
న్యూఢిల్లీ, సెప్టెంబర్ 29: సీఈసీ జ్ఞానేష్ కుమార్కు(Gyanesh Kumar) వ్యతిరేకంగా అక్టోబర్ 2న జంతర్మంతర్(Jantar Mantar) వద్ద సీజేపీ, కాంగ్రెస్ కూటమి పార్టీల(Congress alliance parties) నిరసనలకు ఢిల్లీ పోలీసుల(Delhi Police) అనుమతి లభించలేదు. ఈ విషయాన్ని ఢిల్లీ పోలీసు ఉన్నతాధికారి ఒకరు మంగళవారం మీడియాకు తెలిపారు. ఎస్ఐఆర్ ఆరోపణల నేపథ్యంలో జ్ఞానేష్ కుమార్(Gyanesh Kumar) రాజీనామా డిమాండ్తో ఈ నిరసనలు చేపడతామని ఇప్పటికే సీజేపీ ప్రతినిధి అభిజీత్ దీప్కే(CJP spokesperson Abhijeet Deepke) ప్రకటించగా, కాంగ్రెస్ కూటమి పార్టీలు కూడా నిరసనల్లో పెద్ద ఎత్తున పాల్గొనాలని ప్రజలకు పిలుపునిచ్చారు. మరోవైపు ఇదే అంశంపై ముంబై పోలీసులు కూడా శివాజీ పార్కులో నిర్వహించే సమావేశానికి అనుమతిని నిరాకరించారు.
ఈ అంశం, అధికారం తమ పరిధిలోది కాదన్నారు. ఈ ప్రాంతం నిశ్శబ్ద జోన్ కిందకు వస్తుందన్నారు. ప్రత్యామ్నాయ వేదికను చూసుకొని అనుమతి కోరాలని, పరిశీలిస్తామని ప్రకటించారు. కాగా ఎస్ఐఆర్ ప్రక్రియ, ఈసీ పనితీరుపై 30న భారత కూటమి సమావేశం జరగనున్నట్లు సీపీఐ(ఎంఎల్) ప్రధాన కార్యదర్శి దీపాంకర్ భట్టాచార్య వెల్లడించారు. ఈ చర్చలు కేవలం భాగస్వాములకు మాత్రమే పరిమితం కాకుండా అన్నివర్గాలు, సంఘాలకు కూడా స్థానం కల్పించాలని కోరారు. పీడీపీ అధినేత్రి మొహబూబా ముఫ్తీ కూడా జంతర్ మంతర్ నిరసనల్లో పాల్గొనాలని ప్రజలకు పిలుపునిచ్చారు.
