గంజాయి మత్తులో యువకుడి వీరంగం

మంచిర్యాల (విజయక్రాంతి): మంచిర్యాల జిల్లా కేంద్రంలో గంజాయి మత్తులో యువకుడు వీరంగం సృష్టించాడు. బుధవారం మంచిర్యాల పట్టణంలోని వెంకటేశ్వర థియేటర్ చౌరస్తా సమీపాన గల టిటిడి వద్ద గంజాయి సేవించిన ఒక యువకుడు అటుగా వెళుతున్న మరో యోగంపై దాడి చేసి గాయపరిచాడు. అడ్డుకున్న స్థానికులను బెదిరించడమే కాక వారి వాహనాలను ధ్వంసం చేసే ప్రయత్నం చేశాడు. సమాచారం అందుకొని సంఘటన స్థలాన్ని చేరుకున్న బ్లూ కోర్ట్ పోలీసులను చూసి అతని స్నేహితులు అక్కడి నుండి ఆటోలో తీసుకెళ్లారు. గంజాయి మత్తులో యువకుడు చేసిన చేష్టలు అందర్నీ భయాందోళనకు గురిచేసింది.