ఎర్రమట్టి రారాణి ఆండ్రీవా

ఫ్రెంచ్ ఓపెన్ కైవసం

ఫైనల్లో చ్వాలిన్‌స్కాపై విజయం

పారిస్, జూన్ 6: ఫ్రెంచ్ ఓపెన్ మహిళల సింగిల్స్ టైటిల్‌ను రష్యన్ టీనేజ్ సంచలనం మిర్రా ఆండ్రీవా కైవసం చేసుకుంది. ఫైనల్లో పోలాండ్‌కు చెందిన క్వాలిఫైయర్ ప్లేయర్ మాయా చ్వాలిన్‌స్కాపై 6- 6- తో ఓడించి, తన కెరీర్‌లో మొట్టమొదటి గ్రాండ్‌శ్లామ్ టైటిల్‌ను సొంతం చేసుకుంది. ఎనిమిదో సీడ్‌గా బరిలోకి దిగిన 19 ఏళ్ల ఆండ్రీవా టైటిల్ పోరులో అదరగొట్టింది. 

అద్భుత ఫామ్‌తో ఫైనల్ చేరిన చ్వాలిన్‌స్కాను టైటిల్ ఆశలకు బ్రేక్ వేసింది. తన చిన్న వయసులోనే కెరీర్‌లో అతిపెద్ద విజయాన్ని నమోదు చేసింది. 2020లో ఇగా స్వియాటెక్ టైటిల్ గెలిచిన తర్వాత ఫ్రెంచ్ ఓపెన్ మహిళల ట్రోఫీని ముద్దాడిన మొదటి టీనేజర్‌గా ఆండ్రీవా నిలిచింది. అలాగే మోనికా సెలెస్ తర్వాత.. ఫ్రెంచ్ ఓపెన్ గెలిచిన అతి పిన్న వయస్కురాలైన మహిళల ఛాంపియన్‌గానూ మిర్రా ఆండ్రీవా సరికొత్త రికార్డు నెలకొల్పింది.

ఈ విజయంతో, 2005 తర్వాత జన్మించి ఒక గ్రాండ్‌శ్లామ్ టైటిల్ గెలుచుకున్న ప్రపంచపు మొట్టమొదటి ప్లేయర్ (పురుషులు లేదా మహిళల విభాగం లో)గా ఆమె నిలిచింది.టెన్నిస్ ప్రపంచంలో అద్భుతమైన భవిష్యత్తు ఉన్న క్రీడాకారిణిగా గుర్తింపు పొందిన ఆండ్రీవా తన 15వ ఏటనే అంతర్జాతీయ వేదికపైకి దూసుకొచ్చింది. పారిస్‌లో సాధించిన ఈ గ్రాండ్‌శ్లామ్ విజయం ఆమె సుదీర్ఘ కెరీర్ లో ఒక మైలురాయిగా నిలిచిపోనుంది.