నిర్మల్,(విజయక్రాంతి): నిర్మల్ జిల్లా ఆశా వర్కర్ల సంఘం సిఐటియు జిల్లా కార్యవర్గాన్ని ఆదివారం ఎన్నుకున్నట్లు సంఘ సభ్యులు పేర్కొన్నారు. పట్టణంలోని టీఎన్జీవో కార్యాలయంలో ఇటీవలే మూడవ జిల్లా మహాసభలను నిర్మించారు. అందులోని భాగంగానే నూతన కార్యవర్గంపై తీర్మానం చేసి కొత్త కార్యవర్గాన్ని ప్రకటించారు. జిల్లా అధ్యక్షులుగా సుజాత, ప్రధాన కార్యదర్శిగా గంగామణి, కోశాధికారిగా రామలక్ష్మీ ఎన్నికయ్యారు. అలాగే ఉపాధ్యక్షులుగా చంద్రకళ, ఇంద్రమాల, సవిత, అనురాధ, మౌనిక, తదితరులను ఎన్నుకున్నారు. ఆశ వర్కుల సమస్యల పరిష్కారానికి ఐక్యంగా ముందుకు వెళ్తామని వారు తెలిపారు. ఈ కార్యక్రమంలో ఆశ వర్కర్ల సంఘం నాయకులు, సభ్యులు పాల్గొన్నారు.