30-11-2025 01:05:25 AM
హీరో కిరణ్ అబ్బవరం సుమైర స్టూడియోస్తో కలిసి తన కేఏ ప్రొడక్షన్స్ పతాకంపై నిర్మిస్తున్న సినిమా ‘తిమ్మరాజుపల్లి టీవీ’. తేజ వేల్పుచర్ల సహ నిర్మాతగా వ్యవహరిస్తున్నారు. ఈ చిత్రంతో సాయితేజ్, వేద జలంధర్ హీరో హీరోయిన్లుగా, వీ మునిరాజు దర్శకుడిగా పరిచయమవుతున్నారు. విలేజ్ బ్యాక్డ్రాప్లో సాగే పీరియాడిక్ డ్రామాగా రూపొందుతున్న ఈ సినిమా నుంచి ఫస్ట్ సింగిల్ ‘చిన్ని చిన్ని గుండెలోన’ శనివారం రిలీజైంది.
వంశీకాంత్ రేఖన స్వరపర్చిన ఈ గీతానికి సనరే సాహిత్యం అందించగా హరిణి ఇవటూరి, పవన్కల్యాణ్ పాడారు. ‘చిన్ని చిన్ని గుండెలోన చాలా ప్రేమే దాచిన.. దబాయించి దొంగోడా దోచుకుపోలేవా.. చిందే చిందే ఈడులోన ఏకాంతాలే యాతన.. మీసాలున్న మొనగాడా జంటకు రాలేవా.. నువ్వే తాకి నా కురులే సిగ్గే పడే.. అట్టా నన్ను చూశావంటే ఒంటిమీది చెమట చుక్క అత్తరల్లె గాలికి ఎగిరే..’ అంటూ సాగుతుందీ పాట. ఈ చిత్రానికి అక్షయ్ రామ్ పొదిశెట్టి డీవోపీగా, సుధీర్ మాచర్ల ఆర్ట్ డైరెక్టర్గా పనిచేస్తున్నారు.