స్టేట్ లెవెల్ సీఎం కప్ పోటీలకు ఎంపికైన సిటీ స్టైల్ జిమ్ భద్రాచలం క్రీడాకారిణిలు

భద్రాచలం, ఫిబ్రవరి 11, (విజయక్రాంతి): సీఎం కప్ సెకండ్ ఎడిషన్లో భాగంగా భద్రాచలం సిటీ స్టైల్ జిమ్ సెంటర్ నందు నిర్వహించిన జిల్లా స్థాయి పవర్ లిఫ్టింగ్ పోటీలలో భద్రాచలం సిటీ స్టైల్ జిమ్ సెంటర్కు చెందిన మామిడి భూమిక 69 కేజీల విభాగంలో బంగారు పతకాన్ని, డి మేఘనా చౌదరి, 69 కేజీలు విభాగంలో  రజిత పతకం సాధించినట్లు సిటీ స్టైల్ జిమ్ కోచ్ జి వి రామిరెడ్డి  తెలిపారు.

ఈ పోటీలో గెలుపొందిన  క్రీడాకారిణిలు  ఈనెల 20,  21 వ తేదీలలో, హైదరాబాదులో ఎల్బీ స్టేడియంలో జరిగే  సీఎం కప్  స్టేట్ లెవెల్ పోటీలలో పాల్గొంటారని ఈ సందర్భంగా తెలిపారు. ఈ గెలుపొందిన క్రీడాకారిణిలను  తెలంగాణ రాష్ట్ర ఉపాధ్యక్షులు వి మల్లేష్, 

జిల్లా అసోసియేషన్ అధ్యక్షులు భోగాల శ్రీనివాస్ రెడ్డి, జిల్లా జనరల్ సెక్రెటరీ, జీవి రామిరెడ్డి, వైస్ ప్రెసిడెంట్ డాక్టర్ శివరామకృష్ణ ప్రసాద్, కోశాధికారి మహంతి వెంకటకృష్ణజి,  జాయింట్ సెక్రటరీలు, భవాని శంకర్, గుగులోత్ శోభన్ నాయక్, అబ్దుల్ ఫరూక్, ఎండి  అబ్బాస్, పట్టణంలోని పలు క్రీడా సంఘాలు, పట్టణ ప్రముఖులు, పలువురు రాజకీయ నాయకులు, గ్రీన్ భద్రాద్రి సభ్యులు సిటీ స్టైల్ జిమ్ క్రీడాకారులు, డివి శంకర్రావు, భోగాల వీరారెడ్డి  అభినందించారు.