నగరంలో కుండపోత వర్షం.. అధికారులను అప్రమత్తం చేసిన సీఎం

హైదరాబాద్: హైదరాబాద్(Hyderabaad) నగరంలోని పలుచోట్ల భారీ వర్షం కురుస్తుంది. జూబ్లీహిల్స్, బంజారాహిల్స్, ఫిలింనగర్‌, నాంపల్లి, మాసబ్‌ట్యాంక్‌, మెహిదీపట్నం, హైటెక్ సిటీ, ఎల్బీ నగర్, నాగోలు, హయత్ నగర్, వనస్థలిపురం, పంజాగుట్ట, హయత్ నగర్, వనస్థలిపురం, అబ్దుల్ పూర్ మెట్ సహా పలు ప్రాంతాల్లో వర్షం భీభత్సంగా పడుతోంది. ఆఫీసుల నుండి ఇంటికి వెళ్ళే సమయం కావడంతో వాహనదారులకు ట్రాఫిక్ సమస్యలు తప్పడం లేదు. సాయంత్రం ప్రారంభమైన వర్షం.. అర్ధరాత్రి వరకు కొనసాగే అవకాశం ఉందని వాతావరణ శాఖ ప్రకటించింది. దీంతో సీఎం రేవంత్ రెడ్డి(CM Revanth Reddy) భారీ వర్షాల దృష్ట్యా అప్రమత్తంగా ఉండి, సమన్వయంతో పని చేయాలని అధికారులను ఆదేశించారు.