భట్టి విక్రమార్కకు పుట్టినరోజు శుభాకాంక్షల వెల్లువ

హైదరాబాద్: తెలంగాణ ఉప ముఖ్యమంత్రి(Telangana Deputy Chief Minister) మల్లు భట్టి విక్రమార్కకు ఆయన 65వ పుట్టినరోజు(Mallu Bhatti Vikramarka birthday) సందర్భంగా ముఖ్యమంత్రి ఎ. రేవంత్ రెడ్డి(CM Revanth Reddy) సోమవారం శుభాకాంక్షలు తెలిపారు. ఆయన నిండు నూరేళ్లు ఆరోగ్యంగా ఉండాలని, తెలంగాణ ప్రజలకు సేవలందించడంలో అత్యుత్తమంగా రాణించాలని ఆకాంక్షిస్తున్నట్లు ముఖ్యమంత్రి తన 'X' పోస్టులో పేర్కొన్నారు. తెలంగాణ గవర్నర్ శివ్ ప్రతాప్ శుక్లా కూడా భట్టి విక్రమార్కకు ఫోన్ చేసి పుట్టినరోజు శుభాకాంక్షలు తెలిపారు.

ఉప ముఖ్యమంత్రి సహచర మంత్రులు, ఇతర నాయకులు కూడా ఆయనకు శుభాకాంక్షలు చెప్పారు. సోమాజిగూడలోని ప్రజా భవన్‌లో పలువురు మంత్రులు, నాయకులు ఉప ముఖ్యమంత్రిని కలిసి శుభాకాంక్షలు తెలిపారు. శుభాకాంక్షలు తెలిపిన వారిలో మంత్రులు ఉత్తమ్ కుమార్ రెడ్డి, దుద్దిళ్ల శ్రీధర్ బాబు(Duddilla Sridhar Babu), తుమ్మల నాగేశ్వరరావు, పొన్నం ప్రభాకర్, రైతు కమిషన్ చైర్మన్ కోదండరెడ్డి, సీడ్స్ కార్పొరేషన్ చైర్మన్ అన్వేష్ రెడ్డి, ఆర్థిక శాఖ ముఖ్య కార్యదర్శి సందీప్ కుమార్ సుల్తానియా, వ్యవసాయ శాఖ ముఖ్య కార్యదర్శి సురేంద్రమోహన్ ఉన్నారు.