హైదరాబాద్: ముఖ్యమంత్రి రేవంత్ రెడ్డి(Chief Minister Revanth Reddy), ఐటి, పరిశ్రమల శాఖ మంత్రి శ్రీధర్ బాబుతో కలిసి జపాన్‌కు బయలుదేరనున్నారు. ఈ పర్యటనలో ముఖ్యమంత్రితో పాటు రాష్ట్ర అధికారుల బృందం కూడా ఉంటుంది. జపాన్ నుంచి పెట్టుబడులు ఆకర్షించే లక్ష్యంతో తెలంగాణ ప్రతినిధి బృందం ఏప్రిల్ 16 నుండి 22 వరకు దేశంలో పర్యటిస్తుందని ప్రభుత్వ వర్గాలు తెలిపాయి. ఈ ప్రయత్నంలో ముఖ్యమంత్రి బృందం టోక్యో, మౌంట్ ఫుజి, ఓసాకా, హిరోషిమాలను సందర్శిస్తుంది. ఓసాకా వరల్డ్ ఎక్స్‌పో (Osaka Expo 2025) తెలంగాణ పెవిలియన్ ను సీఎం ప్రారంభించనున్నారు. ఈ బృందం జపాన్ లోని ప్రముఖ కంపెనీలు, పారిశ్రామికవేత్తలు, ఆ దేశం నుండి అనేక మంది ప్రతినిధులతో సమావేశమవుతుంది. చర్చలు ప్రధానంగా రాష్ట్రంలో పెట్టుబడులు, పారిశ్రామిక, సాంకేతిక సహకారంపై దృష్టి సారిస్తాయి.