సీఎంఆర్‌ఎఫ్ పేదలకు వరం

ఎమ్మెల్యే బాలునాయక్

దేవరకొండ, మే 2: నిరుపేదలకు ముఖ్యమంత్రి సహాయ నిధి వరమని దేవరకొండ ఎమ్మెల్యే బాలునాయక్ పేర్కొన్నారు. నల్లగొండ జిల్లా దేవరకొండలోని ఎమ్మెల్యే క్యాంపు కార్యాలయంలో 205 మంది లబ్ధిదారులకు మంజూరైన సీఎం రిలీఫ్ ఫండ్ (సీఎంఆర్‌ఎఫ్) రూ.68.78 లక్షల విలువైన చెక్కులను శుక్రవారం అందజేశారు. అనంతరం పలు మండలాల లబ్ధిదారులకు కళ్యాణలక్ష్మీ, షాదీముబారక్ చెక్కులను పంపిణీ చేశారు.

ఈ సందర్భంగా బాలునాయక్  మాట్లాడుతూ.. కాంగ్రెస్ ప్రజాప్రభుత్వం ఏర్పడ్డాక నియోజకవర్గ వ్యాప్తంగా సీఎంఆర్‌ఎఫ్ చెక్కులను లబ్ధిదారులకు పంపిణీ చేస్తున్నామన్నారు. ఎన్ని ఆర్థిక ఇబ్బందులు ఉన్న ప్రతి పేదవాడికి ఆదుకోవాలనే సంకల్పంతో గత ప్రభుత్వంలో పెండింగ్లో ఉన్న సీఎంఆర్‌ఎఫ్ చెక్కులను కూడా మంజూరు చేశామని స్పష్టంచేశారు.