2023 డిసెంబర్ చివరి వారంలో  కారు’ కూసి కూసి’ అయిపోయి షెడ్ రిపేరు కోసం వచ్చిన. ఇన్నాళ్లు షికారు జా మ్మంటూ తిరిగిన కారును నేను.. వ్యూహాత్మక మౌనం పాటించలేక మాట్లాడు తు న్నాను.  తీసుకువచ్చిన యజమాని, అ ందులో ప్రయాణించిన ఆయన పరివారం కలిసి నెట్టుకుంటూ తీసుకొచ్చి తొందరగా రిపేర్ చేసి ఇవ్వమని నన్ను ఇక్కడ ఇచ్చిపోయారు. కానీ మెకానిక్ అటు సదిరి ఇటు సదిరి ఎంత స్టార్ట్ చేసినా స్టార్ట్ కానీ కారు ఇప్పట్లో సరి కాదని తెగేసి చెప్పాడు.

చేసేదేమీ లేక  విక్రమార్కుడు చెట్టు మీద నుంచి శవాన్ని దించి భుజం మీద మోసుకుంటూ కాళ్లు ఈడ్చుకుంటూ ఎవరి మనసులో వారు ఎంత పని అయిందని గునుక్కుంటూ ఫామ్ హౌస్‌లోకి ప్రవేశం చేశారు. ఇప్పటిలో రిపేరు సాధ్యం కాదని మెకానిక్ లోపల షెడ్డులో నన్ను పడుకోమన్నాడు. షెడ్డు అంతా రిపేర్ నేర్చుకునే పిల్లలతో మెకానిక్ గట్టిగా పనుల గురించి మాట్లాడే మాటలు తప్ప నా చెవులకు మరొకటి వినిపించడం లేదు.

ఎన్నో సంవత్సరాలు మౌనం వహించిన నాకు ఓపిక నశించి మాట్లాడడం షురూ చేశాను. ఇంతకాలం నోరు మూసుకున్న నేను ఇప్పుడైనా నిజాలు చెప్పాలని సంకల్పించుకున్నాను. బాగా తిన్న మనిషి పడుకున్నప్పుడు ఆ మనిషి ఉదరంపై చేరి అన్ని శరీర అవయవాలు కలిసి సభ పెట్టుకున్నట్టు నేను పడుకోగానే నా విడిభాగాలు ఒక్కొక్కటిగా మాట్లాడటం ప్రారం భించాయి.

స్టీరింగ్ కష్టాలు

వాహన చోదకుడు దిగిపోగానే తప్పనిసరై ఇన్నొద్దులు పడిన బాధను మీతో పంచుకోవాలనుకున్నా. యజమాని కుటుంబ పరివారంతో ఓవర్‌లోడైనా ‘కుయ్యో మొర్రో’ అని మొత్తుకుంటూ నా చెవులు ఎటు మెలేస్తే అటు తిరిగాను. కార్యనిర్వాహక డ్రైవర్ త నకు ఎవరూ ఎదురు లేరని.. కన్నూ మిన్నూ కానక ఇన్నాళ్లు నడిపాడు. అహంకారం వెంటరాగా.. కచ్చా రోడ్డు, తారు రోడ్డు తేడా లేకుండా, ఈలవేస్తూ ఉయ్యాలలో వేసి జోల పాడినట్టు మస్తు మ జాగా ఉడాయించాడు.

ముందట ఐదేళ్లకోసారి పాన గండం ఉ ందనే విషయం మరిచి పక్కన ఉన్న అపాయం  బోర్డును ఖాతర్ చేయక ఆ దారిలో ప్రయాణించాడు. యజమాని ఎవరిని కలవక.. బిజీ ఉ ందనే సాకుతో ఇతరులను కలువనీయక గడిలో కాలూపుకుంటూ విశ్రాంతి తీసుకున్నాడు. అనుకున్నట్టుగానే ఆయన ఈ రే సు కేసులో విచారణను ఎదుర్కొంటున్నాడు. ఊహించని ఎదురుదెబ్బ తగిలేసరికి వెర్రి లేసిన సాదుకం కుక్కలా తీవ్ర అసహనంతో ఎవరినైనా చిన్నా పెద్దా తేడా లేకుండా మాటలు తూలనాడుతున్నాడు.

టైర్ల ఆవేదన

స్టీరింగ్ కథ చెప్పి దమ్ము తీసుకుందో లేదో.. ముందటి ఒకటో టైరు తన వేదనను లోపల ఉంచుకోలేక బయటకు చెప్పుకోలేక మసిలిపోయి చెప్తున్నాను. ఉద్యమ కా లంలో ఆంధ్ర ఆధిపత్య ప్రాంతం వారి ఫ్యాక్టరీ అ యినా, నాయకులైనా యజమాని ఇంటి ముందు ధ ర్నాలు చేసి గేట్లెక్కి కండువాలు ధరించి సంపద దండుకున్న విషయం నాకు జ్ఞాపకం వస్తున్నది. కారు నడిచినప్పుడు స్టీరింగ్ చేతులకు రాలేదు.

ఇక ముందు వస్తదనే గ్యారెంటీ లేదు. కాలం తీరిన వారంటీని అ యిపోయాను. పొమ్మనలేక  పొగ పెడతారనుకుంటే ఆ జాడలు చూఛాయగా కనిపిస్తలేవు. లోపల ఇమడలేక బయటపడలేక నాకు నిండు చలికాలంలో ఏసీ ఉన్నా ఉక్కపోస్తూనే ఉంది. తన ఇలాకాలో ఎదిగి వస్తున్న యువ నాయకుడిని పోలీసులతో దౌడు తీయించినందుకు నాపై పెట్టిన కేసును ఎదుర్కోలేక న్యాయం కోసం కోర్టు తలుపులు తట్టాను.

అతి వేగంగా దూసుకుపోతున్న ముందు టైర్లను చూసి వెనుక టైర్లకు కండ్లు బైర్లు కమ్ముతున్నాయి. మేము కదులుతేనే కదా కా రు ముందు ఉరికేది. కానీ ముందు డ్రైవర్.. ముందు టైర్లు మేమే కారును నడుపుతున్నామని అనుకుంటాయి. ఫిర్యాదులకు, అరెస్టులకు భయపడనని బీరాలు పలికి చివరికి న్యాయస్థానాన్ని ఆశ్రయించాడు. స్టీరింగ్ పట్టుకున్న టైర్‌కు గింతుంటే మంత్రిగా వెలగబెట్టిన నాలుగో టైరయిన నాకు ఎంతుండాల్నో చెప్పుండ్రి.

యజమాని సీటు

దిగిపోయాక యజమాని కూర్చున్న సీటు మాట్లాడుతుంది. క డుపు చించుకుంటే కాళ్ళ మీద పడుతుంది. అంతా తన ఇంటి వా ళ్లే అని నమ్మి నానపోస్తే పిచ్చి బుర్రలు అయినై. పొదుగేసిన గుడ్లు ‘సీ’ గుడ్లు అయిపోయాయి. అందరూ అదుపు, ఆజ్ఞలో ఉన్నట్టే క నబడుతారు. అవతలికి పోయిన త ర్వాత ఎవరి దారి వాడిది. పీట చెక్కతో నేను ఇట్లా అంటే తలుపు చెక్కతోనే తాను ఇట్లా అనే అన్నట్టుగా ఉంది. 

ఎంక్వయిరీ వేసుకు ంటే వేసుకోండి. విచారణ చే సుకుంటే చేసుకోపోండ్రి అంటారు. అరెస్టు చేసుకుంటే చేసుకోండి హాయిగా జైల్లో ఉంటాం అంటూ గొప్పలు పలుకుతూ మేకపోతు గాంభీర్యం ప్రదర్శిస్తుంటారు. తీరా అన్ని కమిషన్లు రిపోర్ట్ ఇచ్చాక ఆఖరికి చావు తప్పి కన్నులొట్ట పోయినట్టు కోర్టులో వ్యాజ్యం వేస్తారు. తనవాళ్లే అందరూ కలిసి చివరికి యజమాని కిందికి నీళ్లు ఎలా తెస్తారో చూడుండ్రి.

ఓడిపోయిన అప్పటి నుంచి యజమాని కంటికి నిద్ర రావడం లేదు. మనసులో మనసు లేదు. జీవన కా లనీ ప్రయాణం కోసం బయట కూర్చొని అవకాశం కోసం ఎదురు చూస్తున్న ప్రయాణికురాలు రిపేర్‌కి వచ్చిన కార్లో జాగలేదంటే పిల్లి శాపనార్ధాలు పెడుతుంది. కారు భాగాలు హుషారుగా తమ కథను ఎల్లబోసుకున్నయ్.

కాంగ్రెస్ పార్టీ అధికారం చేపట్టి రెండేళ్లు కూడా పూర్తి  కాకముందే.. తన యజమాని లోపల్లోపల వారి కుటుంబసభ్యులు పైకి కూట్లె రాయి తీయలేనోడు ఏట్లె రాయి తీస్తడా చెప్పు ండ్రి. అధికార పార్టీ శివా అంటే ప్రతిపక్ష పార్టీకి బూతులా వినబడుతుంది. ఉరికురికి పశువుల కాస్తే పొద్దూకదని మీరన్నా జర గాళ్లకు చెప్పుండ్రి.