చేగుంట (విజయక్రాంతి): చేగుంట మండలంలో సర్పంచుల నామినేషన్ ప్రక్రియలో భాగంగా, ఆదివారం చేగుంట బీసీ మహిళా రిజర్వ్ స్థానం నుండి బీఆర్ఎస్ పార్టీ సర్పంచ్ అభ్యర్థిగా పట్టణానికి చెందిన బీఆర్ఎస్ సీనియర్ నాయకులు డిష్ రాజు, సతీమణి డిష్ రమ్య నామినేషన్ దాఖలు చేశారు. ఈ సందర్భంగా రమ్య మాట్లాడుతూ తనను గెలిపిస్తే దుబ్బాక ఎమ్మెల్యే కొత్త ప్రభాకర్ రెడ్డి ఆశీస్సులతో పట్టణాన్ని ఆదర్శ పట్టణంగా తీర్చిదిద్దుతానని, గ్రామాభివృద్ధికి నిస్వార్థ సేవలు అందిస్తానని రమ్య తెలిపారు. ఈ కార్యక్రమంలో బీఆర్ఎస్ మండల అధ్యక్షులు నారాయణరెడ్డి, జిల్లా నాయకులు రంగయ్య గారి రాజిరెడ్డి, మండల సర్పంచ్ ల ఫోరమ్ అధ్యక్షుడు మంచి కట్ల శ్రీనివాస్, మండల సీనియర్ నాయకులు అలీ, ఆరిఫ్, అన్నం రవి, సంపత్, యాదగిరి, తదితరులు పాల్గొన్నారు.