కోల్ కతా: కోల్ కతాలోని మనీలాండరింగ్ నిరోధక చట్టం (PMLA) ప్రత్యేక కోర్టులో రూ.1,500 కోట్ల ‘డిజిటల్ అరెస్ట్’ మోసం(Digital Arrest Fraud) కేసుపై ఈడీ (Enforcement Directorate) సోమవారం 60 పేజీల ఛార్జిషీట్ ను దాఖలు చేసింది. ఈ కుంభకోణంలో ఇద్దరు ప్రధాన సూత్రధారులు, చిరాగ్ కపూర్, యోగేష్ దువార్ వారికి చెందిన ఒక కంపెనీ పేర్లు చార్జిషీట్ లో ఉన్నాయి. మాదకద్రవ్యాల అక్రమ రవాణా, మనీలాండరింగ్, ఉగ్రవాద నిధులు వంటి నేరాలకు పాల్పడినట్లు అభియోగాలపై డిజిటల్ కస్టడీలో ఉంచారు. దేశంలోని వివిధ ప్రాంతాలలో అనేక మందిని దాదాపు రూ.1,500 కోట్ల మేర మోసం చేశారని చార్జిషీట్ లో ఈడీ పేర్కొంది. 

 పోలీసులు, కేంద్ర దర్యాప్తు సంస్థలు లేదా ఆదాయపు పన్ను శాఖ వంటి సంస్థల ప్రతినిధులుగా మోసగాళ్ళు నటిస్తూ సామాన్య ప్రజల నుండి కోటి రూపాయలకు పైగా వసూలు చేశారు. తమ దర్యాప్తు అధికారులకు 300 బ్యాంకు ఖాతాలు ఉన్నాయని, అక్కడ దోపిడీ డబ్బును బదిలీ చేశారని ఈడీ తన చార్జిషీట్ లో తెలియజేసింది. తమ లక్ష్యాలను సంప్రదించి మోసం చేయడానికి ఉపయోగించిన సుమారు 350 మొబైల్ సిమ్ కార్డులను అందులో ప్రస్తావించింది.

ఆ సిమ్ కార్డులలో చాలా వరకు అంతర్జాతీయ రోమింగ్ సౌకర్యాలు యాక్టివ్ గా ఉన్నందువల్ల కాల్ లను సులభంగా ట్రాక్ చేయలేమని ఏజెన్సీ తెలిపాయని,  నిందితులకు చెందిన రూ.10 కోట్ల విలువైన ఆస్తులను కూడా జప్తు చేసినట్లు ఈడీ వెల్లడించింది.‘డిజిటల్ అరెస్ట్’ మోసంలో చిక్కుకుని దాదాపు రూ.47 లక్షలు పోగొట్టుకున్న ఒక మహిళ ఫిర్యాదు మేరకు కోల్ కతా పోలీసులు చిరాగ్ కపూర్, యోగేష్ దువార్ లను అరెస్టు చేశారు. ఈ కేసుపై దర్యాప్తును ప్రారంభించిన ఈడీ ఇవాళ కోల్ కతాలోని ప్రత్యేక పీఎంఎల్ఏ కోర్టు(PMLA Court)లో మొదటి ఛార్జిషీట్ ను సమర్పించింది.

గత ఏడాది అక్టోబర్ లో ప్రధానమంత్రి నరేంద్ర మోడీ(Prime Minister Narendra Modi) మన్ కీ బాత్(Mann Ki Baat) ప్రసంగంలో ప్రసంగిస్తూ ‘డిజిటల్ అరెస్ట్’ పేరుతో కొత్త సైబర్ స్కామ్ ట్రెండ్ గురించి ప్రజలను హెచ్చరించారు. భారత న్యాయ వ్యవస్థలో ‘డిజిటల్ అరెస్ట్’ అనేదేదీ లేదని, “ఏ ఎన్‌ఫోర్స్‌మెంట్ ఏజెన్సీ కూడా ఫోన్ లేదా వీడియో కాల్ ద్వారా పౌరుల వ్యక్తిగత వివరాలను ఎప్పుడూ అడగదు” అని ప్రధాని మోదీ స్పష్టం చేశారు.