సురక్షసేవా సంఘం ఆధ్వర్యంలో కంటి ఆపరేషన్లు

అబ్దుల్లాపూర్‌మెట్, నవంబర్10: సురక్ష సేవా సంఘం ఆధ్వర్యంలో 64 మంది కంటిచూపులేని నిరుపేద వృద్ధులకు ఆపరేషన్ ద్వారా కంటిచూపు ప్రసాదించారు. ఈ సందర్భం గా ఆదివారం సురక్ష సేవా సంఘం రాష్ట్ర అధ్యక్షులు కిక్కర గోపిశంకర్ యాదవ్ మాట్లాడుతూ.. సంఘం ఆధ్వర్యంలో మూడేండ్లుగా ఉచితంగా కంటి ఆపరేషన్లు చేయిస్తున్నట్లు చెప్పా రు.

ఇప్పటివరకు రాష్ట్రవ్యాప్తంగా 268 మంది వృద్ధులకు చూపునిచ్చినట్లు తెలిపారు. సురక్ష సేవా సంఘం, శ్రీ ధనలక్ష్మిఆప్టికల్స్ సంయుక్తంగా అబ్దుల్లాపూర్‌మెట్, మాల్, మల్లేపల్లి, కడ్తా ల్, వరంగల్, జనగామ, జేఎన్‌ఎన్‌యూఆర్‌ఎంకు చెందిన 64 మంది వృద్ధులకు విజయవంతం గా కంటి ఆపరేషన్లు చేయించి, క్షేమంగా వారి ఇండ్లకు పంపినట్లు చెప్పారు.