మహా కుంభ్ వెళ్తున్న మినీ బస్ ప్రమాదం.. నలుగురు మృతి

కాన్పూర్: ఉత్తరప్రదేశ్‌లోని ఫతేపూర్ జిల్లా(Fatehpur District)లో బుధవారం మినీ బస్సు ట్రాక్టర్-ట్రైలర్‌ను ఢీకొన్న ప్రమాదంలో నలుగురు మృతి చెందగా, మరో 10 మంది గాయపడ్డారని పోలీసులు తెలిపారు. మహా కుంభ్‌లో(maha kumbh mela) పాల్గొనడానికి వెళ్తున్న 21 మంది ప్రయాణికులతో ప్రయాగ్‌రాజ్‌కు వెళ్తున్న మినీ బస్సు బక్సర్ మలుపు సమీపంలో ట్రాక్టర్-ట్రైలర్‌ను ఢీకొట్టిందని వారు తెలిపారు.

అలహాబాద్ రేంజ్ ఇన్‌స్పెక్టర్ జనరల్ (ఐజీ) ప్రేమ్ కుమార్ గౌతమ్ మాట్లాడుతూ, "సమాచారం తెలుసుకున్న పోలీసులు సంఘటనా స్థలానికి చేరుకుని ప్రయాణికులను రక్షించారు. ఇద్దరు యాత్రికులు, డ్రైవర్‌తో సహా ముగ్గురు వ్యక్తులు సంఘటనా స్థలంలోనే మృతి చెందారు." మృతులను మినీ బస్సు డ్రైవర్ వివేక్ సింగ్ (27), యాత్రికులు ప్రేమ్ కాంత్ ఝా (55), దిగంబర్ ఝా (52), విమల్ చంద్ర ఝాన్ (50)గా గుర్తించారు. వీరంతా న్యూఢిల్లీ నివాసితులు. కేసు నమోదు చేసి, రెండు వాహనాలను స్వాధీనం చేసుకున్నట్లు ఫతేపూర్ ఎస్పీ ధవల్ జైస్వాల్ తెలిపారు. మృతదేహాలను పోస్ట్‌మార్టం కోసం పంపినట్లు ఆయన తెలిపారు.