calender_icon.png 30 November, 2025 | 12:59 AM

  • top-fb.png
  • top-tw.png
  • top-insta.png
  • top-yt.png

5న గ్లోరియస్ క్రిస్మస్ సెలబ్రేషన్స్

30-11-2025 12:15:11 AM

ముఖ్యఅతిథిగా హాజరై ప్రసంగించనున్న కేఏ పాల్ 

ఖైరతాబాద్; నవంబర్ 29 (విజయ క్రాంతి) : ఏసుక్రీస్తు జన్మదినాన్ని పురస్కరించుకొని యునైటెడ్ క్రిస్టియన్ వెల్ఫేర్ అసోసియేషన్ ఆధ్వర్యంలో డిసెంబర్ 5న సనత్ నగర్ లోని వెల్ఫేర్ సెంటర్లో గ్లోరియస్ క్రిస్మస్ వేడుకలను నిర్వహిస్తున్నట్లు అసోసియేషన్ ప్రెసిడెంట్ విలియమ్స్ తెలిపారు. ఈ కార్యక్రమానికి ప్రజాశాంతి పార్టీ వ్యవస్థాపకులు కేఏ పాల్ ముఖ్య అతిథిగా హాజరై ప్రసంగిస్తారని తెలిపారు.

ఈ మేరకు శనివారం సోమాజిగూడ ప్రెస్క్లబ్లో ఏర్పాటుచేసిన విలేకరుల సమావేశంలో క్రైస్తవ సంఘాల ప్రతినిధులు జవహర్ కెనడి, కరుణాకర్, రాజగోపాల్, మైఖేల్, దయాకర్ తదితరులతో కలిసి ఇందుకు సంబంధించిన బ్రోచర్ను ఆవిష్కరించారు. అనంతరం వారు మాట్లాడుతూ..

ప్రపంచ శాంతి దూతగా పేరుగాంచిన కేఏ పాల్ ఈ కార్యక్రమానికి ముఖ్యఅతిథిగా విచ్చేసి ప్రసంగిస్తున్న సందర్భంగా ప్రతి ఒక్కరు హాజరై ఆశీర్వాదం పొందాలని అన్నారు. గత 25 సంవత్సరాలుగా సనత్ నగర్ లోని వెల్ఫేర్ గ్రౌండ్ లో  ఈ సెలబ్రేషన్స్ ను విజయవంతంగా నిర్వహిస్తున్నామని తెలిపారు. కుల మతాలకు అతీతంగా ప్రతి ఒక్కరు ఈ కార్యక్రమానికి వచ్చి కార్యక్రమాన్ని విజయవంతం చేయాల్సిందిగా కోరారు.