ముషీరాబాద్, నవంబర్ 29 (విజయక్రాంతి): ముషీరాబాద్ డివిజన్ అధ్యక్షుడు కొండ శ్రీధర్ రెడ్డి ఆధ్వర్యంలో శనివారం పార్శిగుట్ట చౌరస్తా వద్ద దీక్షా దివస్ సందర్భంగా కేసీఆర్ చిత్ర పటానికి పాలాభిషేకం చేశారు. అనంతరం డివిజన్లోని పలు ప్రాంతాల్లో బైక్ ర్యాలీ నిర్వహించారు. ఈ సందర్భంగా శ్రీధర్ రెడ్డి మాట్లాడుతూ 69 ఏళ్లలో సాధించని తెలంగాణను చావో రేవో తేల్చుకుందామని  కేసీఆర్ దీక్ష చేపట్టి రాష్ట్రాన్ని సాధించారని అన్నారు.

దీక్షతో యావత్ తెలంగాణ రాష్ట్ర ప్రజలను ఏకం చేసి పోరాడి రాష్ట్రాన్ని తెచ్చారన్నారు. ఈ కార్యక్రమంలో బీఆర్‌ఎస్ పార్టీ సీనియర్ నాయకులు తలారి శ్రీకాంత్ ముదిరాజ్,  సోమసుందరం, శివ ముదిరాజ్, శ్రీనివాస్, జావిద్ ఖాన్, భాస్కర్ నేత, మున్నా ఖాన్, సత్యనారాయణ బాబు, టిల్లు, పూస గోరఖ్ నాథ్, జార్జ్, శ్రీకాంత్, బల్ల ప్రశాంత్ తదితరులు పాల్గొన్నారు.