హరితవర్ణం

లేచిగుళ్ళు, లేత గరికలు

గంతులెయ్యడం మానేసాయా

వర్షాలకి బదులు రక్తాలతో

నేలతల్లి తడిచిపోతుంటే!

పిట్టలూ పాటలూ పంటలూ

పడావు పడ్డాయా

మేఘాకాశాలకి బదులు

ఆయుధ పొగలు ఆకాశాన్ని కమ్మ్మేస్తుంటే!

గొడవలు

మేలిమి గుణాలకోసం పడాలి

మలిన రణాల కోసం కాకుండా!

మనుషుల అసువుల

అసలు సంగతి మతించాలి

గండపుండు మోక్షగతి మార్గానికి

విముక్తి దారిలో మసులుకోవాలి!

యుద్ధాలతో యోగులు కారు

యాగబలాలతో యోగులవుతారు!

మట్టి మనసు

సుగంధ పరిమళాలు 

వెదజల్లుతుంది

ముష్టి యుద్ధాల

రుధిర దుర్వాసనలని భరించదు!

తెల్లారితే కళ్ళు విప్పే పూలు

మన కళ్ళు అవ్వాలి!

పూల తేనెలుగా

మన కన్నీళ్లు మారాలి!

సతతం హరితాన్ని 

జీర్ణం చేసుకోవాలి!

 --ఒబ్బిని