15 April, 2026 | 6:36 AM 
కవితోత్సవం!
16-06-2025 12:00 AM
మానవ వికాసంతో
ముడి వేసుకున్న
లతాంతమే కవిత్వం!
ఎంత వైయిక్తికమైనా
అది సామూహికం కూడా
సామాజిక స్పృహ దాని జాడ!
అక్షరాలు ఏ తోటలో పూసినా
అంతర్ నిహితంగా
మాల కట్టేది కవిత్వమే!
మనం కలుసుకున్నట్లు
కవిత్వం ఒకచోట
వెల్లి విరియడమే
కవితోత్సవం!
గాయ పడిన మనసుకు
కవిత్వమొక సాంత్వన
తెగిపడ్డ బొటన వేలుకు వెన్నుదన్ను!
అక్షరం పాటై పద్యమై పరిమళిస్తే
అది వాడక వాసన చెడక
చరిత్రకు దర్పణమై నిలుస్తుంది!!
కోట్ల వెంకటేశ్వర రెడ్డి
