అండర్ గ్రౌండ్ డ్రైనేజీ పనులకు శంకుస్థాపన

మేడ్చల్, మార్చి 15(విజయ క్రాంతి): మల్కాజ్గిరి నియోజకవర్గం మౌలాలి డివిజన్లోని హనుమాన్ నగర్ జెడ్ టి. సి గ్రౌండ్ వద్ద సుమారు రూ.32 లక్షల వ్యయంతో నిర్మించనున్న అండర్ గ్రౌండ్ డ్రైనేజీ పనులకు మల్కాజ్గిరి ఎమ్మెల్యే మర్రి రాజశేఖర్ రెడ్డి శంకుస్థాపన చేశారు. ఈ సందర్భంగా ఎమ్మెల్యే మర్రి రాజశేఖర్ రెడ్డి మాట్లాడుతూ, దీర్ఘకాలంగా కొనసాగుతున్న డ్రైనేజీ సమస్యను పరిష్కరించేందుకు రైల్వే అధికారుల తో చర్చించి, రైల్వే స్థలం గుండా వెళ్లే డ్రైనేజీ మార్గానికి అనుమతి పొందడం ద్వారా ఈ పనులకు శ్రీకారం చుట్టామని తెలిపారు. ఈ పనులు పూర్తయితే స్థానిక ప్రజలకు ఎంతో సౌకర్యంగా ఉంటుందన్నారు.

అదేవిధంగా కేసీఆర్ బస్తీ, పీఎన్‌ఆర్ కాలనీ, నాన్న హిల్స్ వంటి ఎత్తున ప్రాంతాలకు మంచినీటి సరఫరా సక్రమంగా అం దించేందుకు జలమం డలి ద్వారా బూస్టర్ ఏర్పాటు చేసినట్లు ఎమ్మెల్యే తెలిపారు. ఈ బూస్టర్ ద్వారా ఎత్తున ప్రదేశాలకు కూడా నీరు సులభంగా చేరే విధంగా చర్యలు తీసుకున్నామని చెప్పా రు. అనంతరం జలమండలి అధికారులతో కలిసి బూస్టర్ ఏర్పాటును ఎమ్మెల్యే పరిశీలించారు.

ఈ కార్యక్రమంలో జలమండలి జనరల్ మేనేజర్ సునీల్ కుమార్, డీజీఎం విద్యాసాగర్, బిఆర్‌ఎస్ సీనియర్ నాయకులు అమీరుద్దీన్, మురుగేష్, ఇబ్ర హీం, ఉస్మాన్, నవాబ్, సం తోష్ గుప్తా, ఆదినారాయణ, గణేష్, మారుతి ప్రసాద్, ఉషా శ్రీ,రాణి, పర్వీన్ తదితరులు, స్థానిక ప్రజలు, నాయకులు, కార్యకర్తలు పాల్గొన్నారు.