ఓటర్ల సందేహాల కోసం హెల్ప్‌డెస్క్

కలెక్టర్ తేజస్ నందలాల్ పవార్

సూర్యాపేట, జులై 7 (విజయక్రాంతి) : జిల్లాలో ఎస్‌ఐఆర్2026 ప్రక్రియను పకడ్బందీగా నిర్వహించేందుకు ప్రజలకు ఎదురయ్యే సందేహాలను తీర్చేందుకు, ఎన్యుమరేషన్ ఫారమ్ నింపే విధానంపై అవగాహన కల్పించేందుకు జిల్లా కలెక్టరేట్ లో ప్రత్యేక హెల్ప్డెస్క్ను ఏర్పాటు చేసినట్లు కలెక్టర్ తేజస్ నందలాల్ పవార్ తెలిపారు.

మంగళవారం ఆయన విలేకరులతో మాట్లాడుతూ 2002 ఓటరు జాబితాలో వివరాల పరిశీలనతో పాటు ఇతర సాంకేతిక ఇబ్బందుల పరిష్కారానికి ఈ కేం ద్రం నిరంతరం అందుబాటులో ఉంటుందన్నారు. ఓటరు నమోదు, మార్పులు, చేర్పులు లేదా ఎస్‌ఐఆర్ ప్రక్రియపై ఏవైనా సందేహాలు ఉంటే కలెక్టరేట్ ఆఫీస్ హెల్ప్డెస్క్: 6281492368,బి. భరత్ (డి.టి. ఎలక్షన్): 9573085943,కె. రణదీప్ (ఐటీ సపోర్ట్): 9059170790 నెంబర్ ల సంప్రదించవచ్చన్నారు. పారదర్శకమైన ఓటరు జాబితా రూపకల్పనలో ప్రజలందరూ భాగస్వాములు కావాలన్నారు.