Districts

3 April, 2026 | 12:08 AM

E-Paper

Breaking News

పింఛన్‌లో చిల్లర దోపిడీ • నిర్వహణ కరువు.. పల్లె ప్రగతి బరువు! • గ్రామ పంచాయతీ అభివృద్ధికి కృషి: సర్పంచ్ విజయశాంతి అప్పారావు • రైతును రాజును చేయడమే కాంగ్రెస్ ప్రభుత్వ లక్ష్యం • మహమ్మాయి అమ్మవారి ఆలయంలో ప్రత్యేక పూజలు • వార్డు సమస్యల పరిష్కారమే ధ్యేయం • సర్దార్ సర్వాయి పాపన్న గౌడ్ కు ఘన నివాళులు • మహేష్ కుమార్ పర్యటన విజయవంతం చేయాలి • స్వయం ఉపాదే... స్వావలంబనకు ముందడుగు • సుల్తానాబాద్ వార్డులలో ప్రజా పాలన ప్రగతి ప్రణాళిక సభలు •

Districts - Suryapet

ప్రజా పాలన ప్రగతిలో భాగస్వాములు కావాలి: ఎంపీడీవో సునీత

నూతనకల్, ఏప్రిల్ 2: రాష్ట్ర ప్రభుత్వం ప్రతిష్టాత్మకగా చేపట్టిన ’ప్రజా పాలన - ప్రగతి ప్రణాళిక’ కార్యక్రమంలో ప్రతి ఒక్కరూ భాగస్వాములు కావాలని ఎంపీడీవో సునీత పిలుపునిచ్చారు. గు రువారం మండల పరిధిలోని మిర్యాల గ్రామం లో సర్పంచ్ అనంతుల శ్రీనివాస్ గౌడ్ అధ్యక్షతన నిర్వహించిన గ్రామ సభలో ఆమె ముఖ్య అతిథిగా పాల్గొని మాట్లాడారు. ఈ సందర్భంగా ఎంపీడీవో సునీత మాట్లాడుతూ, గ్రామాల సమగ్ర అభివృద్ధి కోసం ప్రభుత్వం ప్రవేశపెట్టిన ప్రణాళికల ప్రాముఖ్యతను వివరించారు.

03-04-2026

సిబ్బందికి సొంతపని చేయాలని ఆదేశాలు

మోతె, ఏప్రిల్ 2:- మండల పరిధిలోని రాయికుంట తండా గ్రామపంచాయతీకి నూతనంగా మంజూరైనటువంటి సీసీ రోడ్డు నిర్మాణాన్ని సర్పంచే వ్యక్తిగతంగా చేపడుతున్నాడు. అయితే ఆ పనులు వాస్తవికంగా ఆ యన వ్యక్తిగత ఖర్చులు పెట్టి కూలీలను పెట్టి చేయించాల్సి ఉండగా దాని కొరకు గ్రామపంచాయతీ ట్రాక్టర్ ను గ్రామపంచాయతీ ట్యాంకర్ ఉపయోగించుకోవడమే కాకుండా గ్రామపంచాయతీ సిబ్బందితోనే నీరు పోసే పనులు చేయిన్నాడనీ గ్రామస్తులే చెబుతుండటం గమనార్హం.

03-04-2026

ఉద్యమకారుల ఫోరం మండలాధ్యక్షుడిగా కోళ్ళూరి వెంకటేశ్వర్లు

కోదాడ ఏప్రిల్ 2: తెలంగాణ ఉద్యమకారుల ఫోరం కోదాడ మండల అధ్యక్షులుగా కోళ్ళూరి వెంకటేశ్వర్లు ని ఏకగ్రీవంగా ఎన్నుకొని తెలంగాణ ఉద్యమకారుల ఫోరం వ్యవస్థాపకులు డాక్టర్ చీమ శ్రీనివాస్ ఆదేశాలతో సూర్యాపేట జిల్లా అధ్యక్షులు గుండెపంగు రమేష్ చేతుల మీదుగా గురువారం నియామక పత్రాన్ని అందించడం జరిగింది.

03-04-2026

కిట్స్ మహిళా కళాశాలలో ప్రాంగణ ఎంపికలు

కోదాడ ఏప్రిల్ 2: కోదాడ పట్టణంలోని కిట్స్ మహిళా ఇంజనీరింగ్ కళాశాలలో ప్రాంగణ ఎంపికలు నిర్వహించినట్లు ప్రిన్సిపాల్ డాక్టర్ పెరుమాళ్ళపల్లి గాంధీ గురువారం తెలిపారు. హైదరాబాద్ కు చెందిన ప్రముఖ టెక్నాలజీ సంస్థ ఐన బజాజ్ ఫింసెర్వ్ ఆధ్వర్యంలో ప్రాంగణ ఎంపికలు నిర్వహించారు. బజాజ్ ఫింసెర్వ్ ప్రైవేట్ లిమిటెడ్ మానవ వనరుల నిర్వహణ అధికారి మధు రిక్రూట్మెంట్ హెడ్ నిఖిల్, మాధవి ఆధ్వర్యంలో నిర్వహించిన ప్రాంగణ ఎంపిక లలో కిట్స్ మహిళా ఇంజనీరింగ్ కళాశాల బీటెక్ విద్యార్థి నులు 20 మంది ఎంపిక అయ్యారు.

03-04-2026

‘మీ సేవ’కు అంతరాయం

సూర్యాపేట, ఏప్రిల్ 2 (విజయక్రాంతి): సర్వర్ నిర్వహణ పనుల నేపథ్యంలో ’మీ సేవ’ ఆన్లైన్ సేవలకు తాత్కాలిక అంతరాయం ఏర్పడనున్నట్లు జిల్లా కలెక్టర్ తేజస్ నందలాల్ పవార్ గురువారం ఒక ప్రకటనలో తెలిపారు. ఏప్రిల్ 3 సాయంత్రం 5గంటల నుంచి 5వ తారీకు ఉదయం 8 గంటల వరకు నిర్వహణ పనులు, సర్వర్ పనితీరు మెరుగుదల, భద్రతా వ్యవస్థల అప్ గ్రేడ్, సాంకేతిక సమస్యల నివారణ కోసం ఈ నిర్వహణ చేపడుతున్నట్లు పేర్కొన్నారు.

03-04-2026

పింఛన్‌లో చిల్లర దోపిడీ

తుంగతుర్తి, ఏప్రిల్ 2 : పేదల బతుకులకు భరోసా కల్పించేందుకు రాష్ట్ర ప్రభుత్వం అందిస్తుంటే.. వాటిని పంపిణీ చేయాల్సిన సిబ్బంది చిల్లర లేవనే సాకుతో రూ.2016, 4016 లోని పై రూ.16ను జేబులో వేసుకుంటున్నట్లు లబ్ధిదారులు చె బుతున్నారు. ఎవరో ఒకరు, ఇద్దరి వద్ద అం టే సమయానికి లేవు అనుకోవచ్చు కానీ ప్రతి వారికి, ప్రతి సారి ఇలానే చెబుతూ పో స్టల్ సిబ్బంది ఈ చిల్లరను పోగేసుకుని తమ జేబులు నింపుకుంటున్నారు అనే అభియోగాలు వస్తున్నాయి. మొత్తానికి ప్రభుత్వం పేదలకు అందించే పింఛలలో ’చిల్లర’ దోపిడీ జరుగుతున్నట్టు తెలుస్తుంది.

03-04-2026

గ్రామ పంచాయతీ అభివృద్ధికి కృషి: సర్పంచ్ విజయశాంతి అప్పారావు

మఠంపల్లి,(విజయక్రాంతి): మఠంపల్లి మండలంలోని మట్టపల్లి గ్రామపంచాయతీ కార్యాలయంలో తెలంగాణ ప్రభుత్వం ప్రతిష్టాత్మకంగా చేపట్టిన 99 రోజుల ప్రజా పాలన ప్రగతి ప్రణాళిక గ్రామసభ కార్యక్రమాన్ని సర్పంచ్ విజయశాంతి అప్పారావు అధ్యక్షతన నిర్వహించడం జరిగింది.ఈ సందర్భంగా సర్పంచ్ మాట్లాడుతూ గ్రామ పంచాయతీ అభివృద్ధి కోసం కృషి చేస్తానని, జరిగిన జరగవలసిన అభివృద్ధి గురించి గ్రామ సభలో చర్చించారు. ఈ కార్యక్రమంలో స్పెషల్ ఆఫీసర్, ఉపసర్పంచ్,వార్డు సభ్యులు గ్రామ పెద్దలు,మహిళలు,అన్ని ప్రభుత్వశాఖలవారు,ప్రజాప్రతినిధులు,మాజీప్రజాప్రతినిధులు,యువకులు తదితరులు పాల్గొన్నారు.

02-04-2026

వార్డు సమస్యల పరిష్కారమే ధ్యేయం

కోదాడ,(విజయక్రాంతి): కోదాడ పట్టణంలోని 19వ వార్డులో ప్రజా పాలన ప్రగతి ప్రణాళిక 99 రోజుల కార్యక్రమంలో భాగంగా గురువారం వార్డు సభ నిర్వహించారు. కౌన్సిలర్ కొల్లా కోటిరెడ్డి అధ్యక్షతన జరిగిన ఈ సభకు వివిధ శాఖల అధికారులు హాజరయ్యారు. ఈ సందర్భంగా ప్రజల నుండి పలు రకాల సమస్యలపై దరఖాస్తులను స్వీకరించారు. అనంతరం ఆయన మాట్లాడుతూ అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా తన శక్తివంచన లేకుండా కృషి చేస్తానని హామీ ఇచ్చారు. వార్డులో పెండింగ్‌లో ఉన్న మౌలిక సదుపాయాల పనులను త్వరితగతిన పూర్తి చేస్తామని పేర్కొన్నారు.ఈ కార్యక్రమంలో మార్కెట్ కమిటీ డైరెక్టర్ వీరబాబు, ముండ్ర రామారావు, ధరావత్ హాజీనాయక్, పోటు రంగారావు, విద్యాసాగర్ రావు, యాదగిరి రావు, ఖాదర్, మౌలానా, నాగేశ్వరరావు, తదితరులు పాల్గొన్నారు.

02-04-2026

సర్వాయి పాపన్న గౌడ్ ఆశయ సాధనకు కృషి చేయాలి

తుంగతుర్తి,(విజయక్రాంతి): బహుజన రాజ్యాన్ని స్థాపించిన తొలి పోరాట యోధుడు సర్దార్ సర్వాయి పాపన్న గౌడ్ అని, ఆయ‌న ఆశ‌య సాధ‌న‌కు ప్ర‌తి ఒక్క‌రూ కృషి చేయాల‌ని గౌడ సంక్షేమ సంఘం మండల అధ్యక్షుడు తునికి సాయిలు గౌడ్, జిల్లా నాయకులు గుండగాని రాములు గౌడ్, గడ్డం ఉప్పలయ్యలు అన్నారు. గురువారం మండల కేంద్రంలో సర్దార్ సర్వాయి పాపన్న గౌడ్ వర్ధంతి సందర్భంగా గౌడ సంఘం నాయకులతో కలిసి ఆయన విగ్రహానికి పూలమాలలు వేసి నివాళులర్పించి మాట్లాడారు.

02-04-2026

దొరల గర్వమణిచిన వీరుడు పాపన్న గౌడ్

గరిడేపల్లి,(విజయక్రాంతి): మండల పరిధిలోని కీతవారిగూడెం గ్రామంలో సర్దార్ సర్వాయి పాపన్న గౌడ్ మహారాజ్ 316వ వర్ధంతి (ఆత్మ బలిదాన్ దినోత్సవం) వేడుకలు గురువారం ఘనంగా నిర్వహించారు.తెలంగాణ గౌడ సంక్షేమ సంఘం మండల, గ్రామ కమిటీల ఆధ్వర్యంలో నిర్వహించిన ఈ కార్యక్రమంలో పాపన్న గౌడ్ చిత్రపటానికి పూలమాలలు వేసి నివాళులర్పించారు.ఈ సందర్భంగా తెలంగాణ గౌడ సంక్షేమ సంఘం జిల్లా ప్రధాన కార్యదర్శి గుండు రాంబాబు గౌడ్ మాట్లాడుతూ... నాటి కాలంలోనే దొరల అహంకారానికి, పెత్తందారుల అరాచకత్వానికి మొఘల్ సామ్రాజ్యానికి వ్యతిరేకంగా సామాన్యులను ఏకం చేసి పోరాటం చేసిన ధీశాలి పాపన్న గౌడ్ అని కొనియాడారు. బహుజన రాజ్యాధికారం కోసం ఆయన చేసిన పోరాటం మరువలేనిదన్నారు. గౌడ సంక్షేమ సంఘం మండల అధ్యక్షులు పోలంపల్లి ఆనంద్ బాబు గౌడ్ మాట్లాడుతూ..పాపన్న గౌడ్ ఒక వ్యక్తి కాదని, ఒక గొప్ప శక్తి అని అభివర్ణించారు. కేవలం 12 మందితో తన ప్రస్థానాన్ని ప్రారంభించి,12 వేల మంది సైన్యాన్ని తయారు చేసుకున్న ఆయన ధైర్యసాహసాలు నేటి తరానికి స్ఫూర్తిదాయకమని అన్నారు. గౌడ కుటుంబంలో అటువంటి వీరుడు జన్మించడం మనందరి అదృష్టమని పేర్కొన్నారు.

02-04-2026

అంగన్వాడీ కేంద్రంలో అక్షరబ్యాసం

మఠంపల్లి,(విజయక్రాంతి): మఠంపల్లి మండలంలోని బక్కమంతుల గూడెం సెక్టార్ పరిధిలో అల్లీపురం గ్రామ పంచాయతీ అంగన్వాడీ స్కూల్ లో అక్షరాభ్యాసం కార్యక్రమానికి ముఖ్య అతిథిగా అల్లీపురం సర్పంచ్ భోగాల జ్యోతి పిచ్చిరెడ్డి హాజరయ్యారు.అనంతరం వారు మాట్లాడుతూ గర్భిణీ స్త్రీలు, బాలింతలు పౌష్టికాహారం తీసుకోవాలని ఆరోగ్యం పట్ల శ్రద్ధ తీసుకోవాలని సూచించారు.ఈ కార్యక్రమంలో ఉపసర్పంచ్ మల్ రెడ్డి వీరారెడ్డి,కార్యదర్శి నరేందర్ రెడ్డి, వీరారెడ్డి,అంగన్వాడీ టీచర్ మంజుల, ఎఎన్ఎమ్ రాధిక, వార్డు సభ్యులు తదితరులు పాల్గొన్నారు.

02-04-2026

విద్యార్థులను ప్రభుత్వ పాఠశాలల్లో చేర్పించాలి

మఠంపల్లి,(విజయక్రాంతి): రాష్ట్ర ప్రభుత్వ ప్రవేశపెట్టిన ప్రజా పాలన ప్రగతి ప్రణాళిక 99 రోజుల కార్యక్రమంలో భాగంగా గురువారం మఠంపల్లి మండలంలోని కొత్త దొనబండ తండా గ్రామంలో ప్రభుత్వ పాఠశాల ఉపాధ్యాయుల ఆధ్వర్యంలో బడిబాట కార్యక్రమాన్ని నిర్వహించారు.ఈ కార్యక్రమానికి ముఖ్య అతిథిగా సర్పంచ్ బానోతు అరుణా దేశ్ పాండు నాయక్ హాజరై మాట్లాడుతూ ప్రతి ఒక్కరూ పిల్లలను ప్రభుత్వ పాఠశాలలో చేర్పించాలని,ఉన్నంత విద్య అభ్యసించిన ఉపాధ్యాయులు ప్రభుత్వ పాఠశాలలో పాఠాలు బోధిస్తారు కాబట్టి ప్రతి ఒక్కరూ ఈ అవకాశాన్ని సద్వినియోగం చేసుకోవాలని కోరారు.ఈ కార్యక్రమంలో ఉపాధ్యాయులు, కార్యదర్శి, వార్డు సభ్యులు, గ్రామ ప్రజలు, అంగన్వాడీ టీచర్లు తదితరులు పాల్గొన్నారు.

02-04-2026