నచ్చాకే వచ్చారా.. వెచ్చంగా హత్తుకో..

‘నచ్చాకే వచ్చారా.. వెచ్చంగా హత్తుకో.. గుండెల్లో పెట్టుకో.. కోరింది నిన్నేరా.. నా చెయ్యి పట్టుకో.. చీరల్లే చుట్టుకో..’ అంటూ సాగుతున్న పాటలో హీరో విశాల్, హీరోయిన్ అంజలి మధ్య కెమిస్ట్రీ ఆకట్టు కుంటోంది. ‘నచ్చాకే..’ అనే పేరుతో సంగీత ప్రియుల ముందుకువచ్చిన ఈ తాజా గీతం ‘మకుటం’ సినిమాలోనిది. తన కెరీర్‌లో 35వ సినిమాగా రూపొందిస్తున్న ఈ సినిమాలో హీరోగా నటించటమే కాక దర్శకత్వం తానే వహించారు విశాల్.

రవి అరసు అందించిన కథతో హై-వోల్టేజ్ యాక్షన్ ఎంటర్‌టైనర్‌గా రూపుదిద్దుకుంటోందీ చిత్రం. స్టార్ గ్రాఫ్ ప్రొడక్షన్స్ నిర్మిస్తున్న ఈ చిత్రంలో అంజలి, దుషారా విజయన్ హీరోయిన్లు. ప్రస్తుతం షూటింగ్ శరవేగంగా జరుపుకొంటున్న ఈ సినిమా నుంచి తాజాగా విడుదలైన రెండో గీతం ‘నచాకే’ను జీవీ ప్రకాశ్‌కుమార్ స్వరపర్చారు. భువనచంద్ర రాసిన ఈ పాటను ప్రభ ఆలపించారు. ఈ సినిమా జూలైలో విడుదల కానుంది.