కలియుగమ్ ఎలా ఉండబోతోంది?

శ్రద్ధా శ్రీనాథ్, కిషోర్ ప్రధాన పాత్రల్లో అడ్వెంచర్ సైన్స్ ఫిక్సన్ థ్రిల్లర్‌గా రూపొందుతున్న చిత్రం ‘కలియుగమ్ 2064ఁ’. అసలే కలియుగం.. ఆపై 2064లో మనుషులు ఎలా ఉండబోతున్నారు? ఎలా బతుకబో తున్నారు? ఎలా చావబోతున్నారు? అనే అంశాలతో ఈ సినిమా కథ, కథాంశం ఉంటుంది. ఆర్‌కే ఇంటర్నేషనల్ బ్యానర్‌పై కేఎస్ రామకృష్ణ నిర్మిస్తున్న ఈ చిత్రం అన్ని హంగులు పూర్తి చేసుకుని త్వరలో విడుదలకు సిద్ధమవుతోంది.

తెలుగు, తమిళంలో తెరకెక్కుతున్న ఈ ద్విభాషా చిత్రం ఫస్ట్‌లుక్‌ను దర్శకుడు మణిరత్నం శుక్రవారం విడుదల చేశారు. ఈ చిత్రానికి సంగీత దర్శకుడు: డాన్ విన్సెంట్; ఆర్ట్ డైరెక్టర్: శక్తి వెంకట్రాజు; ఎడిటర్: నిమల్; రచన, దర్శకత్వం: ప్రమోద్ సుందర్.