22 సర్పంచ్ స్థానాలకు 172, 206 వార్డు సభ్యులకు 673 

నకిరేకల్ నవంబర్ 30 (విజయ క్రాంతి); పంచాయతీ ఎన్నికల్లో భాగంగా ఈనెల 27 నుండి 29 వరకు నామినేషన్ల స్వీకరణ పూర్తయింది. 29వ తేదీ భారీగా నామినేషన్లు దాఖలు అయ్యాయి. రాత్రి 8 గంటల వరకు నామినేషన్ కేంద్రాలలో అభ్యర్థులు బారులు తీరారు. మండలంలో 22 గ్రామపంచాయతీలకు గాను 172 నామినేషన్లు సర్పంచ్ స్థానాలకు దాఖలు అయ్యాయి. 206 వార్డు స్థానాలకు గాను 673 నామినేషన్లు దాఖలు అయ్యాయి. శనివారం రాత్రి పొద్దుపోయే వరకు నామినేషన్ల పర్వం కొనసాగింది.

చివరి రోజు కావడంతో నామినేషన్లు వేసేందుకు అభ్యర్థులు ఆయా కేంద్రాల వద్ద భారీగా బారులు తీరారు. సాయంత్రం ఐదు గంటల వరకు నామినేషన్ కేంద్రాలకు చేరుకున్న వారికి అవకాశం కల్పించారు. అత్యధికంగా మునుకుంట్ల గ్రామ సర్పంచ్ స్థానానికి 13 మంది, అత్యల్పంగా మల్లారం గ్రామ సర్పంచ్ స్థానానికి ఇద్దరు, నారగూడెం స్థానానికి పదిమంది, కట్టంగూరు కు 8 మంది, ఐటి పాముల స్థానానికి నలుగురు, భాస్కర్లబాయి స్థానానికి నలుగురు బోల్లెపల్లి స్థానానికి 8 మంది, చెరువు అన్నారం స్థానానికి 8 మంది, దుగనెల్లి స్థానానికి నలుగురు, ఈదులూరు స్థానానికి ఏడుగురు, ఎరసానిగూడెం స్థానానికి ఐదుగురు, గార్లబాయిగూడెం  నలుగురు, ఇస్మాయిన్పల్లి కి 8 మంది, కలిమెర కు ఐదుగురు, కురుమర్తి కి నలుగురు, ముత్యాలమ్మ గూడెంకు నలుగురు, నల్లకుంటబోలు స్థానానికి నలుగురు, పామనగుండ్ల స్థానానికి ముగ్గురు, పందనపళ్లి  కి ఆరుగురు, పరడ కు 8 మంది, పిట్టంపల్లి స్థానానికి ఏడుగురు, రామచంద్రపురం స్థానానికి 8 మంది సర్పంచ్ అభ్యర్థులుగా నామినేషన్లు దాఖలు చేశారు. పలువురు అభ్యర్థులు రెండు సెట్లు నామినేషన్లు దాఖలు చేశారు. నేడు రేపు నామినేషన్ల పరిశీలన మూడో తేదీన నామినేషన్ల ఉపసంహరణ జరగనుంది. 3న సాయంత్రం అభ్యర్థులకు గుర్తులు కేటాయించనున్నారు.