పర్సంటేజీ ఇవ్వకుంటే థియేటర్లు మూసేస్తాం

సినిమా థియేటర్లలో రెంటల్ సిస్టమ్ స్థానంలో పర్సంటేజీ సిస్టమ్‌ను అమలు చేస్తూ తెలంగాణ ఫిలిం చాంబర్ ఆఫ్ కామర్స్ (టీఎఫ్‌సీసీ) ఇటీవల నిర్ణయం ప్రకటించడం, పర్సంటేజీ విధానానికి తాము వ్యతిరేకమని ప్రొడ్యూసర్స్ గిల్డ్ ప్రకటించడం తెలిసిందే. గతంలో అద్దె ప్రాతిపదికన సింగిల్ స్క్రీన్ థియేటర్లలో ప్రదర్శనలు కొనసాగేవి.

మల్టీప్లెక్స్‌ల తరహాలోనే హైదరాబాద్‌లోని 23 సింగిల్ స్క్రీన్ థియేటర్లు పర్సంటేజీ విధానంలో సినిమాలన ప్రదర్శించాలంటూ ఇటీవల తెలంగాణ ఫిల్మ్ ఛాంబర్ చేసిన నిర్ణయాన్ని వ్యతిరేకిస్తూ ప్రొడ్యూసర్స్ గిల్డ్ ఇటీవల ప్రకటన వెలువరించిది. మరోవైపు పర్సంటేజీ ఇస్తేనే సినిమాలు ప్రదర్శిస్తామని ఫిల్మ్ ఛాంబర్ చెబుతోంది.

ఇతర రాష్ట్రాల్లో పర్సంటేజీ విధానమే అమలవుతోందని వెల్లడించింది. నిర్మాతల గిల్డ్ ప్రకటనపై తాజాగా మరోమారు ఫిల్మ్ ఛాంబర్ స్పందించింది. తమ నిర్ణయాన్ని కాదని నిర్మాతల గిల్డ్ ఎలా స్పం దిస్తుందంటూ ఆగ్రహం వ్యక్తం చేసింది. దీనిపై ఏప్రిల్ 30లోగా తుది నిర్ణయం తీసుకోవాలని సూచించింది. పర్సంటేజీ ఇవ్వకుంటే మే 1వ తేదీ నుంచి సింగిల్ స్క్రీన్ థియే టర్లు మూసివేసే యోచనలో ఉన్నట్లు తెలంగాణ ఫిల్మ్ ఎగ్జిబిటర్ల సంఘం వెల్లడించింది.