శ్రీవేంకటేశ్వర క్రియేషన్స్ అధినేత, ప్రముఖ ప్రొడ్యూసర్స్ దిల్ రాజు, శిరీష్ తమ 60వ ఇటీవల ప్రకటించిన సంగతి తెలిసిందే.  శ్రీవేంక టేశ్వర క్రియేషన్స్, ఇన్ అసోసియేషన్ విత్ రుతమ్ స్టోరీ ల్యాబ్ బ్యానర్లపై నిర్మిస్తున్నారు. రౌడీబాయ్స్, లవ్ మీ సినిమాలతో అలరించిన యువ నటుడు ఆశిష్ ఈ చిత్రంలో హీరోగా నటిస్తున్నారు. ఈ సినిమాతో ఆదిత్యరావు గంగసాని దర్శకుడిగా పరిచయం కానున్నారు.

ఈ చిత్రం హైదరాబాద్ వీధుల్లో చోటుచేసుకునే కల్చర్‌తో నిండిన, భావోద్వేగంతో కూడిన అనుభూతిని ప్రేక్షకులకు అందించనుంది. గురువారం ఆశిష్ పుట్టినరోజు. ఈ సందర్భంగా చిత్రబృందం ఈ సినిమా టైటిల్‌తోపాటు ఫస్ట్‌లుక్‌ను విడుదల చేసింది. మాస్‌కు నచ్చే స్టైల్లో ఈ ప్రాజెక్టుకు ‘దేత్తడి’ అనే టైటిల్‌ను ఖరారు చేశారు మేకర్స్. ఫస్ట్‌లుక్ పోస్టర్‌లో ఆశిష్ హైదరాబాద్ వీధుల్లో కనిపించే డప్పు వాద్యకారుడి గెటప్‌లో ఉత్సాహంగా కనిపిస్తు న్నారు.

భుజాలపై డప్పు తగిలించుకుని రెండు స్టిక్స్‌తో బలంగా మోగిస్తుండగా, మూడో స్టిక్‌ను పళ్ల మధ్యలో పట్టుకుని, అతని ముఖం మొత్తం జోష్‌తో నిండిపోయి ఉంది.  ఇందులో మాస్ మేకోవర్‌లో కనిపించనున్న ఆశిష్, హైదరాబాదీ స్లాంగ్‌లో డైలాగులు చెప్పడం సినిమాకు మరో హైలైట్ కానుంది.  ఈ చిత్రం త్వరలోనే సెట్స్‌పైకి వెళ్లనుంది.