శ్రీవిష్ణు హీరోగా రూపొందిన తాజా చిత్రం ‘సింగిల్’. ఈ చిత్రంలో కేతికశర్మ, ఇవానా కథానాయికలుగా నటించగా, వెన్నెల కిషోర్ కీలక పాత్ర పోషించారు. కార్తీక్‌రాజు దర్శకత్వం వహించగా, గీతాఆర్ట్స్, కళ్యాఫిల్మ్స్ సంయుక్తంగా ఈ సినిమాను నిర్మిస్తున్నాయి. విద్యా కొప్పినీడి, భాను ప్రతాప, రియాజ్ చౌదరి నిర్మాతలు. ఈ సినిమా మే 9న థియేటర్లలోకి రానుంది. ఈ సందర్భంగా హీరోయిన్ కేతికశర్మ బుధవారం హైదరాబాద్‌లో విలేకరులతో సినిమా విశేషాలను పంచుకుంది. 

ఈ ప్రాజెక్టులోకి ఎలా వచ్చారు? గీతా ఆర్ట్స్‌లో వర్క్ చేయడం ఎలా అనిపించింది?

-గీతాఆర్ట్స్ సంస్థలో వర్క్ చేయాలని ఎప్పటినుంచో నా కోరిక. అల్లు అరవింద్ ఒక సినిమాను ప్రజెంట్ చేస్తుంటారంటే కచ్చితంగా ఆ సినిమాలో అద్భుతమైన కంటెంట్ ఉంటుంది. ఈ సినిమా గురించి నాకు కాల్ వచ్చినప్పుడు ఫైనల్‌గా గీతాఆర్ట్స్‌లో వర్క్ చేస్తున్నాననే ఆనందం కలిగింది. కథ విన్నప్పుడు చాలా ఎంజాయ్ చేశాను. ఇది వెరీ ఫన్ ఫిల్డ్ ఫిలిం. పర్ఫెక్ట్ స్టార్ కాస్ట్‌తో వస్తున్న వెరీగుడ్ ఎంటర్‌టైనర్. 

ఈ సినిమాలో మీ క్యారెక్టర్ ఎలా ఉండబోతుంది?

-ఈ సినిమాలో నేను పూర్వ అనే పాత్రలో కనిపిస్తా. తను వెరీ ఇండిపెండెంట్, ప్రాక్టికల్ గర్ల్. ఈ కథలో ఎమోషన్ నా పాత్ర ద్వారానే వస్తుంది. కొన్ని సీరియస్ ఎలిమెంట్స్ ఉన్నప్పటికీ ఇది అవుట్ అండ్ అవుట్ రొమాంటిక్ కామెడీ ఎంటర్‌టైనర్. ఈ సినిమా లవ్‌స్టోరీ కూడా చాలా ఆసక్తిగా ఉంటుంది. నా క్యారెక్టర్ వెరీ రిలేటబుల్‌గా ఉంటుంది.

శ్రీవిష్ణుతో కలిసి పనిచేయడం ఎలా అనిపించింది?

-శ్రీవిష్ణు వండర్ఫుల్ పర్సన్. చాలా సింపుల్, చాలా హంబుల్‌గా ఉంటారు. యాక్టింగ్‌లో కూడా చాలా సపోర్ట్ చేశారు. శ్రీవిష్ణు కామెడీ టైమింగ్ చాలా యూనిక్‌గా ఉంటుంది. ఆయన స్పాట్లో డైలాగ్స్ ఇంప్రవైజ్ చేసేస్తుంటారు. ఆయన పర్ఫార్మెన్స్ చాలా స్పాంటేనియస్‌గా ఉంటుంది. ఆయనతో వర్క్ చేయడం రియల్లీ గ్రేట్ ఎక్స్‌పీరియన్స్.

ఇవానాతో వర్క్ చేయడం ఎలా అనిపించింది?

-ఇవానా వెరీ బ్యూటిఫుల్ అండ్ గర్ల్. ఆన్‌స్క్రీన్‌లో మా మధ్య ఒకట్రెండు సీన్స్ ఉన్నాయి. అయితే ఆఫ్‌స్క్రీన్‌లో మేము చాలా మంచి ఫ్రెండ్స్ అయ్యాం. తను చాలా పాజిటివ్ పర్సన్.

‘రాబిన్‌హుడ్’లో మీ అదిదా సర్‌ప్రైజు పాట వైరల్ అయింది.. మరి ఇందులో అలాంటి డాన్స్ నెంబర్ ఉందా?

-అదిదా సర్‌ప్రైజు పాట వైరల్ కావడం చాలా ఆనందాన్నిచ్చింది. ‘సింగిల్’లో అలాంటి డాన్సింగ్ నెంబర్ ఏమీలేదు. ఇది వెల్ ప్యాకెజ్ సూపర్ ఎంటర్‌టైనింగ్ ఫిలిం. సినిమా చూస్తున్నంత సేపు మనస్ఫూర్తిగా నవ్వుకుంటారు.

డైరెక్టర్ కార్తీక్ రాజు గురించి..? 

-కార్తీక్ వెరీ ప్యాషనైట్ ఫిలిం మేకర్. ఆయనకు చాలా క్లియర్ విజన్ ఉంది. ఆయనకు ఏం కావాలో క్లారిటీ ఉంటుంది. ఈ సినిమాను హైలీ ఎంటర్‌టైనింగ్ మూవీగా తీర్చిదిద్దారు. ఆయన సెట్లో అందర్నీ చాలా కంఫర్టబుల్‌గా చూసుకుంటారు.

మీ కెరీర్ పట్ల ఆనందంగా ఉన్నారా..?

-నా కెరీర్ పట్ల చాలా ఆనందంగా ఉన్నా. గెలుపోటములో మన చేతిలో ఉండవు. వర్క్ చేయడం ఒక్కటే మన చేతిలో ఉంటుంది. రిజల్ట్స్ గురించి నేనెప్పుడూ ఆలోచించను. కెరీర్‌ను సెలబ్రేట్ చేసుకోవాలనే చూస్తుంటా. నిజంగా ఒక నటిగా కొనసాగడం అదృష్టంగా భావిస్తా.

మీకు ఏదైనా డ్రీమ్ రోల్ ఉందా..?

-గీతాఆర్ట్స్‌లో రాబోతున్న రష్మిక మందన్న ‘గర్ల్‌ఫ్రెండ్’లాంటి సినిమా చేయాలనుంది. అందులో రష్మిక క్యారెక్టర్ వెరీ బ్యూటిఫుల్. అలాంటి పాత్ర చేయాలనేది నా కల. అలాగే సాయిపల్లవి, కీర్తి సురేశ్ చేస్తున్నట్లు.. నటనకు ప్రాధాన్యమున్న పాత్రలు కూడా చేయాలనుంది.

ఈ సినిమా చేస్తున్నప్పుడు కష్టమైన సీన్ ఏదైనా అనిపించిందా..?

-కామెడీ చాలా డిఫికల్ట్. కామెడీ చేయడం అంత ఈజీ కాదు. ఇందులో ఇంటర్వెల్ బ్యాంగ్ నాకు చాలా ఛాలెంజింగ్‌గా అనిపించింది. శ్రీవిష్ణు టైమింగ్ మ్యాచ్ చేయడం వెరీ డిఫికల్ట్.

కొత్తగా చేస్తున్న ప్రాజెక్ట్స్ గురించి..?

-హిందీలో ఒక సినిమా చేస్తున్నా. తమిళ్, తెలుగు బైలింగ్వల్ ఒకటి చేస్తున్నా. ఇంకొన్ని ప్రాజెక్టులూ ఉన్నాయి. అవి మేకర్స్ రివిల్ చేస్తారు. 

సింగిల్  గురించి ప్రేక్షకులకు ఏం చెప్తారు..?

-సింగిల్ మే 9న రిలీజ్ అవుతుంది. అందరూ ఫ్యామిలీతో కలిసి థియేటర్లకు రండి. ఇది సమ్మర్ రొమాంటిక్ కామెడీ ఆఫ్ ది ఇయర్. ప్రేక్షకులకు కావలసిన నవ్వులు పంచే సినిమా.