లాయర్ ఆంటోనీ

విజయ్ ఆంటోనీ తన కొత్త ప్రాజెక్ట్‌కు సంబంధించి అప్డేట్ ఇచ్చారు. ఆయన కెరీర్‌లో రూపొందుతున్న ఈ 26వ సినిమా పేరు ‘లాయర్’ అని ప్రకటించారు. టైటిల్ పోస్టర్‌ను రిలీజ్ చేశారు. జెంటిల్ ఉమెన్ ఫేమ్ రైటర్ జాషువా సేతురామన్ దీన్ని గ్రిప్పింగ్ కోర్ట్ డ్రామాగా తెరకెక్కిస్తున్నారు.

ఫాతిమా విజయ్ ఆంటోనీ కంపెనీ, విజయ్ ఆంటోనీ ఫిల్మ్ కార్పోరేషన్ బ్యానర్‌పై విజయ్ ఆంటోనీ నిర్మిస్తున్నారు. ఇప్పటికే ప్రీ ప్రొడక్షన్ పనులు ప్రారంభమయ్యాయి. రెగ్యులర్ షూట్ జూన్ నుంచి ప్రారంభం కానుంది. నటీనటులు, సాంకేతిక బృందం తదితర వివరాలను త్వరలో అధికారికంగా ప్రకటిస్తారు. ఈ సినిమాను తమిళ, తెలుగు, కన్నడ, హిందీ భాషల్లో విడుదల చేయనున్నారు.