తిరువీర్, టీనా శ్రావ్య జంటగా నటించిన చిత్రం ‘ది గ్రేట్ ప్రీ వెడ్డింగ్ షో’. బై 7పీఎం, పప్పెట్ షో ప్రొడక్షన్స్ బ్యానర్లపై సందీప్ అగరం, అశ్మితా రెడ్డి నిర్మించిన ఈ చిత్రానికి రాహుల్ శ్రీనివాస్ దర్శకత్వం వహిస్తున్నారు. వెడ్డింగ్ ఫోటోగ్రాఫర్ చుట్టూ ఓ ప్రేమకథ, ఓ వింత సమస్య, దాన్నుంచి పుట్టే హాస్యం వంటి అంశాలతో ఈ సినిమా రూపుదిద్దుకుంది. నవంబర్ 7న సినిమా విడుదలవుతున్న నేపథ్యంలో ఇప్పటికే ఈ సినిమా ప్రమోషనల్ కంటెంట్ చాలావరకు విడుదలైంది. టీజర్, గ్లింప్స్, టైటిల్ పోస్టర్లు సినిమాపై అంచనాలు పెంచేశాయి. 

Vayyari Vayyari Lyrical Video - https://youtu.be/94LOVOlO3Xw?si= 

తాజాగా ఈ సినిమా నుంచి ‘వయ్యారి వయ్యారి..’ అనే లవ్ సాంగ్‌ను రిలీజ్ చేశారు. ఈ గీతానికి సనారే సాహిత్యం అందించగా.. యశ్వంత్ నాగ్, సింధూజ శ్రీనివాసన్ ఆలపించారు. ఈ పాటకు సురేశ్ బొబ్బిలి సమకూర్చిన బాణీ శ్రోతల్ని ఆకట్టుకునేలా ఉంది. ఈ సాంగ్ లిరికల్ వీడియో చూస్తుంటే హీరోహీరోయిన్ల మధ్య కెమిస్ట్రీ, లవ్ ట్రాక్ సినిమాలో హైలెట్ అయ్యేలా కనిపిస్తోంది. 

ఈ చిత్రానికి కెమెరామెన్‌గా కే సోమశేఖర్, ఎడిటర్‌గా నరేశ్ అడుప, ఎగ్జిక్యూటివ్ ప్రొడ్యూసర్‌గా ప్రజ్ఞయ్ కొణిగారి పనిచేశారు. ప్రస్తుతం ఈ మూవీకి సంబంధించిన చిత్రీకరణ పూర్తయింది. పోస్ట్ ప్రొడక్షన్ కార్యక్రమాల్లో బిజీగా ఉన్న మేకర్లు.. త్వరలోనే రిలీజ్ డేట్‌ను ప్రకటించనున్నారు.