రాష్ట్రస్థాయి సీఎం కప్ పోటీలలో మరిపెడ పాఠశాల విద్యార్థులు

మరిపెడ, ఫిబ్రవరి 23(విజయక్రాంతి): మరిపెడ ఉన్నత పాఠశాల విద్యార్థులు పూజ, భవాని,  ఝాన్సీ,  గౌతమి, సాయి ప్రసన్న,  అంకిత,  లహరి,  సవీనా, సాహితీ, మానస లు  హైదరాబాదులో జరిగిన రాష్ట్రస్థాయి సీఎం కప్ ఆఠ్యా పాఠ్యా గేమ్ లో స్కూల్ విన్నర్స్ గా నిలిచారు.

అలాగే యోగా పోటీలో సబ్ జూనియర్ విభాగంలో లోకేష్, జూనియర్ విభాగంలో ఆఫ్రిద్, క్యారం పోటీ లలో జూనియర్ విభాగంలో డానియల్ సీనియర్ విభాగంలో చరణ్, భాను ప్రకాష్ జిల్లాస్థాయిలో ప్రథమ స్థానం సంపాదించి రాష్ట్రస్థాయిలో పాల్గొన్నారు.

ఈ సందర్భంగా పాఠశాల ప్రధానోపాధ్యాయులు అనంతరావు, వ్యాయామ ఉపాధ్యాయురాలు రాజకుమారి, స్టాఫ్ సెక్రటరీ బయగాని రామ్మోహన్, ఉపాధ్యాయ బృందం మరియు విద్యార్థినీ విద్యార్థులు విజేతలను అభినందించారు.