నంగనూరు,(విజయక్రాంతి): విద్యార్థుల్లో శాస్త్రీయ ఆలోచనా విధానాన్ని పెంపొందించే లక్ష్యంతో శనివారం మండల పరిధిలోని  పలు పాఠశాలల్లో జాతీయ సైన్స్ దినోత్సవాన్ని ఘనంగా నిర్వహించారు. మండల కేంద్రంలోని ప్రభుత్వ ఉన్నత పాఠశాలలో ప్రధానోపాధ్యాయులు రామస్వామి గౌడ్ అధ్యక్షతన భారతీయ శాస్త్రవేత్తల ఫోటోల ప్రదర్శన ఏర్పాటు చేశారు. నిత్య జీవితంలో సైన్స్ ప్రాధాన్యతను విద్యార్థులకు వివరిస్తూ, ప్రతిభా పోటీల్లో గెలుపొందిన వారికి బహుమతులు అందజేశారు.

ఈ కార్యక్రమంలో సైన్స్ ఉపాధ్యాయులు రవీంద్రారెడ్డి, గిరి తిరుపతి, రాజిరెడ్డి తదితరులు పాల్గొన్నారు.మగ్దుంపూర్ జిల్లా పరిషత్ ఉన్నత పాఠశాలలో ప్రధానోపాధ్యాయుడు దాసరి సుధాకర్ ఆధ్వర్యంలో విజ్ఞాన ప్రదర్శన నిర్వహించారు. మన చుట్టూ జరిగే సంఘటనల వెనుక ఉన్న సైన్స్‌ను విశ్లేషించాలని ఆయన విద్యార్థులకు సూచించారు. ఉపాధ్యాయులు లక్ష్మారెడ్డి, సురేందర్ రెడ్డి తదితరులు పాల్గొన్నారు.

అక్కినపల్లి పిఎంశ్రీ మోడల్ స్కూల్లో...

మండల పరిధిలోని అక్కెనపల్లిలోని పీఎంశ్రీ తెలంగాణ మోడల్ స్కూల్ లో ప్రిన్సిపాల్ మంద జానయ్య అధ్యక్షతన జరిగిన కార్యక్రమంలో సర్ సి.వి. రామన్ చిత్రపటానికి నివాళులర్పించారు. ఈ సందర్భంగా ఆయన మాట్లాడుతూ... 'రామన్ ఎఫెక్ట్' ఆవిష్కరణ ప్రపంచ విజ్ఞాన శాస్త్రంలో మైలురాయి అని కొనియాడారు. సీనియర్ అధ్యాపకులు డా. ఎస్. శ్రీనివాస్, పవన్ కుమార్ తదితర ఉపాధ్యాయుల ఆధ్వర్యంలో విద్యార్థులు ప్రదర్శించిన సైన్స్ ప్రాజెక్టులు,ప్రయోగాలు అందరినీ ఆకట్టుకున్నాయి.