వైవిధ్యమైన సినిమాలు, పాత్రలతో తనదైన గుర్తింపు సంపాదించుకున్న హీరో నితిన్ తన 36 సినిమాకు గ్రీన్ సిగ్నల్ ఇచ్చారు. డైరెక్టర్ వీఐ ఆనంద్ దీనికి దర్శకత్వం వహించనున్నారు. శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి ఈ సినిమాను నిర్మిస్తున్నారు. రథ సప్తమి సందర్భంగా ఆదివారం ఈ చిత్రాన్ని మేకర్స్ అనౌన్స్ చేశారు. విభిన్నమైన కథలు, కథనాలతో సినిమాలను రూపొందించే దర్శకుడు వీఐ ఆనంద్ మరోసారి ఈ భారీ ప్రాజెక్ట్తో క్రియేటివ్ బౌండరీస్ రేంజ్ను మరింత పెంచటానికి సిద్ధమయ్యారు.

సినీ ప్రేక్షకులకు ఇప్పటి వరకు చూడని సరికొత్త సినిమాటిక్ ఎక్స్పీరియెన్స్ను ఇచ్చేలా ఈ క్రేజీ సినిమా రూపొందనుంది. ’ఊరు పేరు భైరవకోన’ చిత్రం తర్వాత వీఐ ఆనంద్ ఈ సైఫై ఎంటర్టైనర్తో ప్రేక్షకుల ముందుకు వస్తున్నారు. త్వరలోనే షూటింగ్ ప్రారంభం కానుంది. ఈ సినిమాకు సంబంధించిన నటీనటులు, సాంకేతిక నిపుణుల వివరాలను త్వరలోనే మేకర్స్ ప్రకటించనున్నారు.