అశోక్ కాలనీ అభివృద్ధి కమిటీ

హనుమకొండ టౌన్,(విజయక్రాంతి): హనుమకొండ ఎన్జీవోస్ కాలనీ మెయిన్ రోడ్డులో నూతనంగా పెడుతున్న వైన్స్ షాపు ను రద్దు చేయాలని అశోక్ కాలనీ అభివృద్ధి కమిటీ ఆధ్వర్యంలో 032 నెంబర్ వైన్స్ షాపును ప్రారంభించకూడదని హైకోర్టు స్టే ఆర్డర్ నెంబర్ డబ్ల్యూపి 36549 ఆఫ్ 2025ను పాస్ చేయడం జరిగిందని తెలిపారు. శనివారం ఆర్డర్ ప్రతులను వైన్స్ షాపు పెట్టబోయే భవనమునకు అంటించారు. అలాగే స్టే ప్రత్తులను ఎక్సైజ్ జిల్లా అధికారికి, స్థానిక ఎక్సైజ్ సిఐకి, మున్సిపల్ కమిషనర్ కి, జిల్లా కలెక్టర్ కి వినతి పత్రం  అందించడం జరిగిందన్నారు.

వైన్స్ షాపు తెరవ కూడదని సంబంధిత ఇంటి ఓనర్ కు, వైన్ షాప్ ఓనర్ అబ్బు లతకి తెలియజేయడం జరిగిందని అన్నారు. అనంతరం అశోక్ కాలనీ అభివృద్ధి కమిటీ గౌరవ అధ్యక్షులు వెంకటరాజారెడ్డి, అధ్యక్షులు మందల కృష్ణరెడ్డిలు మట్లాడుతూ... అశోక కాలనీ ఇతర కాలనీలకు ఆదర్శవంతమైన కాలనీ అని వైన్ షాపులు ఉండకూడదని ప్రజలకు ఇబ్బంది కలుగుతయని, అలగే మెయిన్ రోడ్డు చాలా రద్దీ ప్రాంతమని ట్రాఫిక్ రీత్యా ఇబ్బందులు జరుగుతాయని, చుట్టుపక్కల నివాసాలు ఉంటున్న కుటుంబాలకు ఇబ్బందికరంగా ఉంటుందని, చిన్న చిన్న వ్యాపారాలు చేసుకునేవారు ఉన్నారని వారికి ఇబ్బంది కలుగుతయాని, వైన్ షాపు నిర్వహించకూడదని అన్నారు. ఈ కార్యక్రమంలో అశోక్ కాలనీ అభివృద్ధి కమిటీ, దేవాలయం కమిటీ ల కార్యదర్శిలు రామచందర్, సరోతంరెడ్డి, కమిటీ సభ్యులు, కాలనీ సభ్యులు తదితరులు పాల్గొన్నారు.