నూతనకల్ (విజయక్రాంతి): మండలంలోని గ్రామ పంచాయతీ ఎన్నికలకు సంబంధించి నామినేషన్ల స్వీకరణ కేంద్రాన్ని శనివారం ఆర్డీఓ వేణు మాధవరావు ఆకస్మికంగా తనిఖీ చేశారు. నామినేషన్ల ప్రక్రియ సజావుగా, ప్రశాంతంగా జరిగేందుకు తీసుకోవాల్సిన చర్యలపై ఆయన అధికారులకు దిశానిర్దేశం చేశారు. ముఖ్యంగా, సమయపాలన పాటించేలా చూడాలని, నామినేషన్లు దాఖలు చేసే అభ్యర్థుల కోసం సక్రమంగా క్యూలైన్లను నిర్వహించాలని, అభ్యర్థులు, సిబ్బంది సౌకర్యార్థం సరియైన లైటింగ్ ఏర్పాటు చెయ్యాలని, త్రాగునీటి సౌకర్యాన్ని ఏర్పాటు చేయాలని తహసిల్దార్, ఎంపీడీవోలను ఆదేశించారు.​ ఈ సందర్భంగా ఆర్డీఓ మాట్లాడుతూ, ఎన్నికల నామినేషన్ల ప్రక్రియ పూర్తయ్యేంతవరకు సిబ్బంది అందరూ అందుబాటులో ఉండాలని స్పష్టం చేశారు.​ ఈ కార్యక్రమంలో తహసిల్దార్ శ్రీనివాసరావు, ఎంపీడీవో సునీత, ఎస్సై నాగరాజు తదితరులు పాల్గొన్నారు.