-పౌర హక్కుల సంఘం (సీఎల్ సీ) రాష్ట్ర అధ్యక్షుడు ప్రొ. గడ్డం లక్ష్మణ్

నల్గొండ క్రైమ్ నవంబర్ 30 : ఆపరేషన్ కగారు పేరుతో అధికారంలో ఉన్న బీజేపీ ప్రభుత్వం డెడ్ లైన్ పెట్టిమరీ ఆదివాసీలను, మావోయిస్టులను చెప్పడం కోర్ట్ దిక్కారమే అవుతుందిని, ఇది రాజ్యాంగాన్ని ఉల్లంగించడమేనని పౌర హక్కుల సంఘం (సీ ఎల్ సీ) రాష్ట్ర అధ్యక్షులు ప్రో,, గడ్డం లక్ష్మణ్ అన్నారు.

ఆదివారం నల్లగొండ జిల్లా కేంద్రంలోని లయన్స్ క్లబ్ లో వామపక్ష పార్టీలు, ప్రజా సంఘాల ఆధ్వర్యంలో అడ్వాకెట్ దర్శనం నర్సింహా అధ్యక్షతన మారేడు మిల్లి, రంపచోడవరం బూటకపు ఎన్ కౌంటర్స్ పై సుప్రీం కోర్ట్ జడ్జి చే విచారణ జర్పించాలని, ఆపరేషన్ కగారు ను విరమించాలని ‘నిరసన సభ ‘ నిర్వహించారు ఈ సందర్బంగా అయన మాట్లాడుతూ దేశంలో ఆర్ ఎస్ ఎస్ నేతృత్వంలో 3వసారి అధికారంలోకి వచ్చిన బీజేపీ ప్రభుత్వం అత్యంత పాశవికంగా ఆదివాసులను, మావోయిస్టు లను పట్టుకొని ఎన్ కౌంటర్స్ పేరిట హత్యలు చేస్తున్నదని అన్నారు.

డెడ్ లైన్ పెట్టి అంతమొందిస్తామని బహిరంగంగా ప్రకటించి మానవ హననం చేయడం కోర్ట్ దిక్కారనే అవుతుందని అన్నారు. కోర్ట్ లు, చట్టాలు జోక్యం చేసుకోకుండా అన్ని వ్యవస్థ లను బీజేపీ ప్రభుత్వం విధ్వంసం చేసిందని తెలిపారు.  దేశంలో జరిగిన ఎన్ కౌంటర్స్ అన్ని రాజ్యాంగ విరుద్ధంగా జరుగుతున్నవేనని తెలిపారు. హిడ్మా ఆదివాసులకు హీరో అని, ఇరువై కోట్ల ప్రజల వృదయాలలో చెరగని ముద్ర వేసుకున్నాడని అన్నారు. మారేడు మిల్లి ఘటనపై విచారణ జరపాలని అన్నారు.

బీజేపీ ప్రభుత్వం కొనసాగిస్తున్న మానవ హననం పై ప్రజలు నిరసన తెలపాలని పిలుపు నిచ్చారు. విద్యావంతుల వేదిక రాష్ట్ర అధ్యక్షులు అంబటి నాగయ్య, సిపిఎం జిల్లా కార్యదర్శి తుమ్మల వీరారెడ్డి, సీపీఐ (యం-యల్) న్యూడెమోక్రసీ రాష్ట్ర నాయకులు ఆర్. జనార్దన్, బీసీపీ రాష్ట్ర కార్యదర్శి కె. పర్వతాలు మాట్లాడుతూ.. ఫాసిస్ట్ బీజేపీ ప్రభుత్వం తన సొంత అజెండా ను అమలు చేయడానికి దేశ సంపదను విదేశీ కార్పొరేట్ కంపెనీలకు కట్టబెట్టడానికి దేశభక్తి ముసుగులో ప్రజా ఉద్యమాలను అణిచి వేస్తుందన్నారు.

అభివృద్ధి ముసుగులో సహజ వనరులను విధ్వంసం చేస్తుందన్నారు. దేశ ప్రజలను ప్రేమించలేని బీజేపీ దేశభక్తి గురించి మాట్లాడడం అస్యాస్పదం అన్నారు. కార్పొరేట్ అభివృద్దె దేశ అభివృద్ధి అనే బ్రమల్లో ప్రజలను ఉంచడానికి దేశభక్తి ముసుగును తగిలించిన మేకవన్నే పులి అన్నారు. అడవి హక్కుల చట్టం, పిసా చట్టం, ఆదివాసి హక్కుల చట్టాలను తుంగలో తొక్కి అడవులను అదానీ, అంబానిలకు అప్పగించి ఆదివాసులను నిర్వసితులను చేస్తుందని మండిపడ్డారు. కేంద్ర ప్రభుత్వం హిట్లర్ పాలనకు మించి దేశ పౌరులను బూటకపు ఎన్ కౌంటర్ లో చంపివేస్తుందని, న్యాయవ్యవస్థ, ఆదివాసీ, పౌర, మానవ హక్కుల కమీషన్లు జోక్యం చేసుకొని మానవ హననాన్ని ఆపాలని అన్నారు.

అడవుల కొల్లగొట్టి పర్యావరణాన్ని దెబ్బతీస్తున్న బీజేపీ విదానాలను ప్రజలు ప్రతిఘటించాలని పిలుపునిచ్చారు. రాజ్యాంగ విరుద్ధంగా తీసుకోచ్చిన ఆపరేషన్ కగారు విరమించుకోవాలని డిమాండ్ చేశారు. ఈ కార్యక్రమంలో మాజీ ఎం.ఎల్ సి నర్సిరెడ్డి. సీపీఐ యం-యల్ న్యూడెమోక్రసీ రాష్ట్ర నాయకులు అనంత రెడ్డి, ప్రజా ప్రంట్ జిల్లా కన్వీనర్ సీ హెచ్ సుధాకర్ రెడ్డి, కేవీపీఎస్ జిల్లా కార్యదర్శి పాలడుగు నాగార్జున,టీ జె. ఎస్ జిల్లా కార్యదర్శి నాగేశ్వర్ రావు, సీపీఐ పట్టణ కార్యదర్శి కె. ఎస్ రెడ్డి, హెచ్ ఆర్ ఎఫ్ నాయకులు గురూజీ, ఆదివాసీ పోరాట సంఘీభావ వేదిక నాయకులు రాములు, ఇందూరు సాగర్, రైతు -కూలీ సంఘం రాష్ట్ర నాయకులు బొమ్మకంటి కొమరయ్య, మట్టిమనిషి పాండు రంగారావు,అఖిల భారత రైతు -కూలీ సంఘం జిల్లా కార్యదర్శి చిరంజీవి, విద్య పరిరక్షణ కమిటీ గౌరవ అధ్యక్షులు ఆర్ విజయ్ కుమార్ బట్టు రామ చంద్రయ్య, పి వై ఎల్ జిల్లా కార్యదర్శి బి వి చారి, ఐ ఎఫ్ టీ యూ అధ్యక్షులు బొంగారాల నర్సింహా, సీఐ టీ యూ నాయకులు సత్తయ్య, ఏఐఎస్‌ఎఫ్ నాయకులు మురళి, పీడీ ఎస్ యూ నాయకులు లోకేష్, రైతు కూలీ సంఘం నాయకులు దుర్గం సైదులు, సీపీఐ లెనిన్, యాదగిరి రెడ్డి, తదితరులు పాల్గొన్నారు