రాకపోకలకు ఇబ్బందులు పడుతున్న ప్రజలు 

కుమ్రంభీంఆసిఫాబాద్,(విజయక్రాంతి): ఆసిఫాబాద్ మండలంలోని బూరుగుడా గ్రామ పంచాయతీ(Buruguda Gram Panchayat) పరిధిలోని రాజుర గ్రామానికి వెళ్లే మార్గంలోని కల్వర్టు ఇటీవల కురిసిన వర్షానికి పూర్తిగా కొట్టుకుపోయింది. అటు వైపుగా వెళ్ళే ప్రజలకు ,వ్యవసాయ దారులకు చాలా ఇబ్బందిగా మారిందని ఆవేదన వ్యక్తం చేస్తున్నారు. వర్షాకాలం వస్తే రోడ్డు పూర్తిగా బురదమయం కావడంతో పాటు రోడ్డు మార్గంలో ఉన్న కల్వర్టులు కొట్టుకపోవడంతో ప్రతి సంవత్సరం ఇబ్బందులు పడుతున్నట్లు గ్రామస్తులు తెలిపారు. వ్యవసాయ క్షేత్రాలకు వెళ్లేందుకు తీవ్రంగా ఇబ్బందులు పడాల్సి వస్తుందని రైతులు ఆవేదన వ్యక్తం చేస్తున్నారు.అధికారులు, నాయకుడు స్పందించి కల్వర్టు నిర్మాణం చేపట్టడంతో పాటు రోడ్డు కు మరిమత్తులు చేయాలని రైతులు, గ్రామస్థులు కోరుతున్నారు.