అమెరికాలో మరో విమాన ప్రమాదం

అమెరికాలో మరో విమాన ప్రమాదం

పెన్సిల్వేనియా స్టేట్స్ ఫిలడెల్ఫియాలో టేకాఫ్ 

కొద్దిసేపటికే ఇళ్లపై కుప్పకూలిన చిన్న విమానం

పేలుడు ధాటికి పలు ఇళ్లు దగ్ధం

ప్రమాదంలో ఆరుగురు అక్కడికక్కడే మృతి.. 

వాషింగ్టన్: అగ్రరాజ్యం అమెరికాలో వరస విమాన ప్రమాదాలు సంభవిస్తున్నాయి. పెన్సిల్వేనియా స్టేట్స్ ఫిలడెల్ఫియాలో టేకాఫ్ అయిన కొద్దిసేపటికే ఇళ్లపై చిన్న విమానం(Philadelphia plane crash) కుప్పకూలింది. శుక్రవారం సాయంత్రం ఫిలడెల్ఫియాలో పీడియాట్రిక్ పేషెంట్‌తో పాటు మరో ఐదుగురు ప్రయాణిస్తున్న చిన్న విమానం కూలిపోయింది. దీంతో ఆ ప్రాంతంలో భారీ పేలుడు సంభవించి మంటలు చెలరేగాయి. స్ప్రింగ్‌ఫీల్డ్-బ్రాన్సన్ నేషనల్ ఎయిర్‌పోర్ట్‌కు వెళ్లే విమానం ఈశాన్య ఫిలడెల్ఫియా విమానాశ్రయం నుండి బయలుదేరింది.

ఫెడరల్ ఏవియేషన్ అడ్మినిస్ట్రేషన్(Federal Aviation Administration) ప్రకారం, లియర్‌జెట్ 55 ఎగ్జిక్యూటివ్ ఎయిర్‌క్రాఫ్ట్ ఆరుగురు వ్యక్తులతో ప్రయాణిస్తున్న నగరంలోని ఇళ్లు, దుకాణాలు, రద్దీగా ఉండే రహదారులతో జనసాంద్రత అధికంగా ఉండే జిల్లాలో కూలిపోయింది. ఈ ప్రమాదంలో ఆరుగురు అక్కడికక్కడే మృతి చెందగా, మృతుల సంఖ్య పెరిగే అవకాశముందని అధికారులు వెల్లడించారు. ఆన్‌లైన్‌లో ప్రసారం అవుతున్న క్రాష్ అనేక వీడియోలు సంఘటన జరిగినప్పుడు భారీ పేలుడు చెలరేగినట్లు చూపుతున్నాయి. ఈశాన్య ఫిల్లీలో జరిగిన చిన్న ప్రైవేట్ విమాన ప్రమాదం(Private flight accident)పై అత్యవసర సేవలు మొదలు పెట్టామని పెన్సిల్వేనియా గవర్నర్ జోష్ షాపిరో ఎక్స్ లో పేర్కొన్నారు. మరింత సమాచారం తెలిస్తే మీడియాకు తెలియజేస్తామని వెల్లడించారు. వాషింగ్టన్‌లోని రీగన్ నేషనల్ ఎయిర్‌పోర్ట్‌లో ప్రయాణీకుల జెట్, మిలిటరీ హెలికాప్టర్(Jet, military helicopter crash) ఢీకొన్న రెండు రోజుల తర్వాత ఈ ప్రమాదం జరిగింది. దాదాపు పావు శతాబ్దంలో అత్యంత ఘోరమైన US వైమానిక విపత్తులో 67 మంది మరణించారు.