కాశ్మీర్ లోయలో పోలీసుల సోదాలు

శ్రీనగర్: ఉగ్రవాద సంబంధిత కార్యకలాపాలు, ఆన్‌లైన్ దుర్వినియోగం, తీవ్రవాద భావజాల వ్యాప్తికి సంబంధించిన నెట్‌వర్క్‌లను అరికట్టేందుకు జమ్మూ కాశ్మీర్ పోలీసుల(Jammu and Kashmir Police) కౌంటర్-ఇంటెలిజెన్స్ విభాగం శనివారం లోయలోని ఐదు జిల్లాల్లో దాడులు నిర్వహించినట్లు అధికారులు తెలిపారు.

 శ్రీనగర్‌లోని CIK పోలీస్ స్టేషన్‌లో ఇండియన్ పీనల్ కోడ్ (IPC)లోని సెక్షన్లు 505,153-A, అలాగే చట్టవిరుద్ధ కార్యకలాపాల నివారణ చట్టం (UAPA)లోని సెక్షన్లు 13,18 కింద నమోదైన FIR నంబర్ 03/2023కి సంబంధించి కుప్వారా, బారాముల్లా, అనంతనాగ్, షోపియాన్, బండిపోరా ప్రాంతాల్లో సోదాలు నిర్వహించినట్లు అధికారులు తెలిపారు. అనంతనాగ్‌లోని హిల్లర్ షాహబాద్‌లో ఒక నివాస గృహంలో జరిపిన సోదాలో డిప్యూటీ సూపరింటెండెంట్ ఆఫ్ పోలీస్ (Deputy Superintendent of Police) ఫరూక్ అహ్మద్ నేతృత్వంలోని CIK బృందం రెండు డిజిటల్ పరికరాలను స్వాధీనం చేసుకుంది. దర్యాప్తును ముందుకు తీసుకెళ్లేందుకు వాటిని ఫోరెన్సిక్ పరీక్షకు పంపుతామని అధికారులు పేర్కొన్నారు.